كوروناۆيرۋس: قىتايدا عيماراتتاردىڭ سىرتى ءۇش ءتۇرلى تۇسپەن بەلگىلەنە باستادى

نۇر-سۇلتان. قازاقپارات - برازيليادا جەرلەۋ راسىمدەرىنىڭ قىزمەتكەرلەرى كوروناۆيرۋستان قايتىس بولۋشىلاردىڭ كوپتىگىنەن تاۋلىك بويى جۇمىس ىستەۋگە كوشىرىلدى.

بەيجىڭدە عيماراتتاردىڭ سىرتى ءۇش ءتۇرلى تۇسپەن بەلگىلەنە باستادى، دەپ حابارلايدى قازاقپارات.

وسى اپتادا فرانسيا ەۋروپاداعى ىندەت كۇرت تاراعان ەلگە اينالدى. پاندەميا باستالعالى بەرى كوروناۆيرۋس جۇقتىرعانداردىڭ جالپى سانى بەس ميلليونعا جۋىقتادى. سونىمەن قاتار، جەرگىلىكتى مەديتسينالىق ورتالىقتار الدىن الا جازىلعانىنا قاراماستان، كوپتەگەن ازاماتتىڭ ەكپە الۋعا كەلمەي قالعانىنا كەيىستىك ءبىلدىردى.

ال ۆەنەسۋەلانىڭ سولتۇستىگىندەگى سۋكرە شتاتىنىڭ بيلىگى COVID-19 جۇقتىرعان جانە كوروناۆيرۋسقا كۇدىگى بار ادامدارعا ۇيلەرىنىڭ سىرتىنا ارنايى قىزىل بەلگى قويۋعا ءماجبۇر ەتۋدە.

اتالعان شتاتتىڭ ءمەرى بۇيرىقتى ورىنداماعاندارعا ەڭ تومەنگى جالاقى مولشەرىنەن بىرنەشە ەسە كوپ ايىپپۇل سالىناتىنىن جەتكىزدى، ال كارانتين شارالارىن بۇزۋشىلار تەگىن ازىق-تۇلىك جيىنتىقتارى مەن گازدان قۇر قالاتىن كورىنەدى.

بەيجىڭدە ءتۇرلى-ءتۇستى جاپسىرمالار قولدانىلا باستادى. بۇدان بىلاي دۇكەندەر، مەيرامحانالار جانە باسقا دا مەكەمەلەردىڭ عيماراتتارى قىزمەتكەرلەردىڭ كەم دەگەندە %80 كوروناۆيرۋسقا قارسى ەگىلسە - «جاسىل»، %40-80 ارالىعىندا - «كوك» جانە %40 از بولسا «قىزىل» جاپسىرمامەن بەلگىلەنەتىن بولادى.

برازيليادا پاندەميا باستالعالى 213 ميلليون حالىقتىڭ 13 ميلليون 200 مىڭعا جۋىعى كوروناۆيرۋس ينفەكتسياسىن جۇقتىرعان.

جەرلەۋ ءراسىمىن ۇيىمداستىرۋشىلار قايتىس بولعان ادامدار سانىنىڭ كوپتىگىنەن تاۋلىك بويى جۇمىس ىستەۋگە اۋىستىرىلعان. SARS CoV2-اينالىمىن باسەڭدەتۋ ءۇشىن ەل ۇكىمەتى قاتاڭ شەكتەۋ شارالارىن ەنگىزۋدە.