+7 (701) 759 90 19
+20 °С : نۇر-سۇلتان
+24 °С : الماتى
USD 426.14 EUR 517.08
RUB 5.74 CNY 66.17
جاڭالىقتار

حالىققا جايىلىمدىق جەر بەرۋدە بيۋروكراتيا وتە كوپ - اقىلبەك كۇرىشبايەۆ

10 ءساۋىر 12:56
:ءبولىسۋ
حالىققا جايىلىمدىق جەر بەرۋدە بيۋروكراتيا وتە كوپ - اقىلبەك كۇرىشبايەۆ

نۇر-سۇلتان. قازاقپارات - جەر رەفورماسى جونىندەگى كوميسسيا ۇكىمەتكە ورمان القاپتارىنان جايىلىمدار مەن شابىندىقتاردى جالعا بەرۋ بولىگىندەگى زاڭنامانى جەتىلدىرۋدى ۇسىندى، دەپ حابارلايدى قازاقپارات ءتىلشىسى.

ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن ءوتىپ جاتقان جەر رەفورماسى جونىندەگى كوميسسيانىڭ ءۇشىنشى وتىرىسىندا ەكونوميكالىق ماسەلەلەر جونىندەگى جۇمىس توبىنىڭ باسشىسى اقىلبەك كۇرىشبايەۆ وسىنداي ۇسىنىس ايتتى.

«ەكىنشى ماسەلە - ورمان قورى جەرلەرىندەگى ورمان شارۋاشىلىعى ءۇشىن پايدالانىلمايتىن اۋىلشارۋاشىلىق القاپتارىن اۋىل شارۋاشىلىعى ماقساتىنداعى جەرلەر ساناتىنا اۋىستىرۋ جانە جەرگىلىكتى حالىقتىڭ مال جايۋى ءۇشىن سول جەرلەردى جالعا بەرۋ مۇمكىندىگىن كەڭەيتۋ. ورمان قورى جەرلەرىن ازايتۋعا توپ مۇشەلەرى قارسى بولدى. ويتكەنى قازاقستانداعى ورمان القابىنىڭ ۇلەسى بەس-اق پايىز. كەرىسىنشە، ءبىز ورماندارىمىزدى ساقتاپ، ونىڭ كولەمىن ۇلعايتۋىمىز قاجەت»، - دەدى كوميسسيا مۇشەسى.

ونىڭ ايتۋىنشا، جۇمىس توبىنىڭ وتىرىستارى كەزىندە ساراپشىلار ورمان قورىنداعى جايىلىمداردى جەرگىلىكتى حالىقتىڭ مال جايۋ ءۇشىن ءتيىمدى پايدالانۋىنا كوپ كەدەرگى بار ەكەنىنە كوز جەتكىزگەن.

«مىسالى، قازاقستانداعى ورمان قورلارىنىڭ جانە ەرەكشە قورعالاتىن اۋماقتاردىڭ القاپتارى 41 ميلليون گەكتارعا جۋىق. سونىڭ ىشىندە 10 ميلليون گەكتارداي ارنايى جايىلىمعا بەرىلگەن جەرلەر. بۇل - ۇلكەن مۇمكىندىك. ءبىراق، وكىنىشكە قاراي، جايىلىمداردى جەرگىلىكتى حالىققا جالعا بەرۋ ماسەلەلەرىندە بيۋروكراتيا وتە كوپ. مەملەكەتتىك ورگاندار جانە جەرگىلىكتى اكىمشىلىك تاراپىنان بۇل مسالەلەر ءتيىستى دەڭگەيدە باقىلانبايدى. ءبىزدىڭ ۇسىنىسىمىز - حالىقتىڭ جايىلىمدىق جەرلەردەگى قاجەتتىلىكتەرىن قاناعاتتاندىرۋ ءۇشىن قازاقستان رەسپۋبليكاسىنىڭ ۇكىمەتىنە ورمان القاپتارىنان جايىلىمدار مەن شابىندىقتاردى جالعا بەرۋ بولىگىندەگى زاڭنامانى جەتىلدىرۋ. جۇمىس توبىنداعى كوپشىلىك وسى ماسەلەنى قولدادى»، - دەدى اقىلبەك كۇرىشبايەۆ.

ەسكە سالساق، وسى اپتادا ءماجىلىس جەردى شەتەلدىكتەرگە بەرۋگە ءبىرجولا تىيىم سالۋدى كوزدەيتىن زاڭ جوباسىن ماقۇلدادى. پرەزيدەنتتىڭ كومەكشىسى ەرلان قارين وسى زاڭ جوباسىنىڭ ماقۇلدانۋى تۋرالى پىكىر بىلدىرگەنىن جازعان بولاتىنبىز.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات