نوكداۋن جانە نوكاۋت: ايدوس مەدەت الماتىداعى كەشتە جەڭىسكە جەتتى

الماتى. قازاقپارات - قازاقستاندىق كاسىپقوي بوكسشى ايدوس مەدەت (5-0، 3 ك و) الماتىدا وتكەن بوكس كەشىندە قارسىلاسىن نوكاۋتقا جىبەردى، دەپ حابارلايدى قازاقپارات Sports.kz سايتىنا سىلتەمە جاساپ.

20 جاستاعى قازاقستاندىقتىڭ وپپونەنتى وزىنەن ەكى جاس ۇلكەن ۋكراينالىق پاۆەل تريپۋتەن (2-7-1) بولدى.

جارتىلاي جەڭىل سالماقتاعى جەكپە-جەك 6 راۋندقا ەسەپتەلگەن بولاتىن. الايدا ول ەكىنشى راۋندتا اياقتالدى.

ايدوس قارسىلاسىن الدىمەن نوكداۋنعا، كەيىننەن نوكاۋتقا جىبەردى. وسىلايشا، ا. مەدەت پروفي- رينگتەگى التىنشى جەڭىسىنە قول جەتكىزدى.

ال پ. تريپۋتەن سەگىزىنشى رەت جەڭىلىس تاپتى. ايتا كەتەيىك، ايدوس اۋەسقوي بوكستا كادەتتەر اراسىندا قازاقستان چەمپيونى بولعان ەدى.