ماس جولاۋشىنىڭ كەسىرىنەن تارازدان ۇشقان ۇشاق اۋەجايعا قايتا ورالدى

None
None
تاراز. قازاقپارات - كولىك پوليتسەيلەرى «تاراز - نۇر-سۇلتان» باعىتىنداعى اۋە رەيسىنىڭ جولاۋشىسىن قۇقىق بۇزعانى ءۇشىن اكىمشىلىك جاۋاپكەرشىلىككە تارتتى، - دەپ حابارلايدى قازاقپارات ءتىلشىسى.

اعىمداعى جىلدىڭ 8- ساۋىرىندە ساعات 15:30 دا «تاراز - نۇر-سۇلتان» باعىتىنداعى ۇشاق تارازدان ۇشىپ شىعىپ، ءبىر ساعاتتان كەيىن اۋە بورتىندا دەسترۋكتيۆتى جولاۋشىنىڭ بولۋىنا بايلانىستى اۋەجايعا كەرى ورالدى.

قايتا قونعان سوڭ، قۇقىقبۇزۋشى اۋە كەمەسى كومانديرىنىڭ اكتىسىمەن تاراز قالاسىنىڭ اۋەجايىنداعى جەلىلىك پوليتسيا بولىمشەسىنىڭ قىزمەتكەرلەرىنە تابىستالدى.

بۇدان سوڭ، ۇشاق مەجەلى جەرىنە ۇشىپ كەتتى. كولىكتەگى پوليتسيا دەپارتامەنتىنىڭ باسپا ءسوز قىزمەتىنىڭ حابارلاۋىنشا، تەكسەرۋ بارىسىندا كولىك پوليتسەيلەرى 56 جاستاعى جامبىل وبلىسىنىڭ تۇرعىنىن انىقتادى.

ول ۇشاق بورتىندا ماساڭ كۇيدە بولىپ، ءوزىن دورەكى ۇستاپ، قوعامدىق ورىندا بالاعات سوزدەر ايتىپ، ەكيپاج بەن اۋە كەمەسى كومانديرىنىڭ بىرنەشە رەت ەسكەرتكەن تالاپتارىنا باعىنباعان.

مەديتسينالىق كۋالاندىرۋ قورىتىندىسىنا سايكەس ەر ادامنىڭ ورتاشا دارەجەدەگى الكوگولدىك ماساڭ كۇيدە بولعاندىعى انىقتالدى.

وعان قاتىستى ق ر ا ق ب ت ك- ءنىڭ 434-بابىنىڭ 1-بولىگىمەن، ياعني ۇساق بۇزاقىلىق، ق ر ا ق ب ت ك- ءنىڭ 440-بابىنىڭ 1-بولىگىمەن، ياعني الكوگولدىك ىشىمدىكتەر ءىشۋ جانە قوعامدىق ورىنداردا ماساڭ كۇيدە بولۋ جانە ق ر ا ق ب ت ك- ءنىڭ 566-بابىنىڭ 1-بولىگىمەن، ياعني اۋە كەمەسىندە مىنەز-قۇلىق قاعيدالارىن بۇزۋ بويىنشا بىردەن ءۇش اكىمشىلىك حاتتاما تولتىرىلىپ، 13 ا ە ك مولشەرىندە ايىپپۇل سالىندى.

سونداي-اق، اتالعان اۋە رەيسىنىڭ 1968-جىلى تۋعان ايەل-جولاۋشىسىنا دا قاتىستى ق ر ا ق ب ت ك- ءنىڭ 434-بابىنىڭ 1-بولىگىمەن، ياعني ۇساق بۇزاقىلىق جانە ق ر ا ق ب ت ك- ءنىڭ 566-بابىنىڭ 1-بولىگىمەن، ياعني اۋە كەمەسىندە مىنەز-قۇلىق قاعيدالارىن بۇزۋ بويىنشا اكىمشىلىك حاتتامالار تولتىرىلىپ، وعان 3 ا ە ك مولشەرىندە ايىپپۇل سالىندى.

ۇساق بۇزاقىلىق بويىنشا جاسالعان ماتەريالدار ءتيىستى شەشىم قابىلداۋ ءۇشىن تاراز قالاسىنىڭ مامانداندىرىلعان اۋدانارالىق اكىمشىلىك سوتىنا جولداندى.

سوڭعى جاڭالىقتار