دامۋشى ەلدەردىڭ بانكتەرى كرەديت تالاپتارىن كۇشەيتۋگە كىرىستى

نۇر- سۇلتان. قازاقپارات - ۇلتتىق بانك ءتوراعاسىنىڭ ورىنباسارى ءاليا مولدابەكوۆا ناۋرىزداعى ۆاليۋتا نارىعىنداعى جاعداي تۋرالى ايتتى، دەپ حابارلايدى قازاقپارات ءتىلشىسى.

«ناۋرىزدا ا ق ش مەملەكەتتىك باعالى قاعازدارىندا كىرىس كوبەيىپ، ا ق ش دوللارىنىڭ جاھاندىق دەڭگەيدە نىعايا تۇسكەنى - دامۋشى نارىقتاردىڭ وڭ قارقىن الۋىنا مۇمكىندىك بەرمەي وتىر. جالعاسىپ كەلە جاتقان Covid-19 پاندەمياسى جانە جەكەلەگەن ەلدەردە لوكداۋنداردى ەنگىزۋ، باياۋ جانە بىركەلكى جۇرگىزىلمەگەن ۆاكسيناتسيا پروبلەمالارى الەمدىك ەكونوميكانىڭ بۇدان بىلايعى وزگەرۋ باعىتىندا وزەكتى كۇيىندە قالىپ وتىر. سونىمەن قاتار، ءبىز ا ق ش- تاعى كىرىستىڭ تۇراقتى ءوسۋى نارىقتارداعى ماڭىزدى درايۆەرلەردىڭ بىرىنە اينالعانىن بايقاپ وتىرمىز»، - دەيدى ۇلتتىق بانك ءتوراعاسىنىڭ ورىنباسارى ءاليا مولدابەكوۆا.

ونىڭ ايتۋىنشا، ناۋرىزدىڭ سوڭىندا ا ق ش- تىڭ 10 جىلدىق قازىناشىلىق وبليگاتسيالارىنىڭ كىرىسى % 1,74 دەڭگەيىنە جەتتى، بۇل ءبىر جىلدىق كەزەڭگە قاراعاندا وتە جوعارى ءمان. ا ق ش وبليگاتسيالارى كىرىستىلىگىنىڭ ارتۋى بيلىكتىڭ كەڭ اۋقىمدى فيسكالدىق جانە مونەتارلىق قولداۋ شارالارىنا بايلانىستى ينفلياتسيانىڭ جەدەلدەۋى تۋرالى ينۆەستورلاردىڭ الاڭداۋشىلىعىنا بايلانىستى بولىپ وتىر.

«11 - ناۋرىزدا ا ق ش پرەزيدەنتى د. بايدەن 1,9 تريلليون ا ق ش دوللارىن ەكونوميكانى ىنتالاندىرۋعا ءبولۋ تۋرالى زاڭعا قول قويدى جانە تالداۋشىلار ا ق ش ەكونوميكاسىنىڭ ءوسۋ بولجامدارىن جاقسارتۋدا. ا ق ش- تىڭ ءى ج ءو ءوسۋ قارقىنى بويىنشا كونسەنسۋس- بولجام 2021 -جىلى ءبىر اي بۇرىنعى % 4,9- عا قاراعاندا % 5,7-5,8- عا دەيىن ءوستى. مۇنداي جاعدايدا ا ق ش- تىڭ قور يندەكستەرى ەڭ جوعارى ماندەردى قايتا جاڭارتادى، ياعني Dow Jones يندەكسى ءبىر ايدا % 6,6- عا، S&P - % 4.2عا ءوستى. ا ق ش م ب ق كىرىستىلىگىنىڭ تۇراقتى ءوسۋى امەريكاندىق ۆاليۋتانىڭ ودان ءارى نىعايۋىنا الىپ كەلدى. DXY دوللارىنىڭ يندەكسى دامىعان ەلدەردىڭ ۆاليۋتالارىنا قارسى ءبىر ايدا % 2,6- عا نىعايدى»، - دەيدى ول.

سونداي- اق، دامۋشى ەلدەردىڭ ۆاليۋتالارى ءۇشىن نارىقتىق سەنتيمەنت تە تەرىس بولدى: Emerging markets ۆاليۋتاسىنىڭ يندەكسى % 1,1- عا السىرەدى. EM ەلدەرىنىڭ اراسىندا ورتالىق بانك باسشىسى جۇمىستان بوساتىلعاننان كەيىن تۇرىك ليراسى (- ) % 11,1، يندونەزيا رۋپياسى (- ) % 2، رەسەي رۋبلى (- ) % 1,5 السىرەدى.

«ينفلياتسيانىڭ جىلدامداۋىنا قاتىستى قاۋىپتەنۋ اياسىندا دامۋشى ەلدەردىڭ كەيبىر ورتالىق بانكتەرى اقشا- كرەديت تالاپتارىن كۇشەيتۋگە كىرىستى. برازيليانىڭ ورتالىق بانكى مولشەرلەمەنى % 2,75- عا دەيىن (+0,75 پ. ت. )، رەسەيدە % 4,5- عا دەيىن (+0,25 پ. ت. )، تۇركيادا % 19- عا دەيىن (+2 پ. ت. ) كوتەردى»، - دەيدى ءاليا مولدابەكوۆا.

اۆتور: زارينا قاھارمان