الماتىدا جىلجىمالى ۆاكسينا سالۋ پۋنكتەرى اشىلادى

الماتى. قازاقپارات - الماتىدا كوروناۆيرۋسقا قارسى ۆاكسيناتسياعا ارنالعان جىلجىمالى مەديتسينالىق پۋنكتەر قۇرىلادى.

بۇل تۋرالى الماتى قالالىق قوعامدىق دەنساۋلىق ساقتاۋ باسقارماسىنىڭ باستىعى ناريمان تابىنبايەۆ ايتتى، دەپ حابارلايدى قازاقپارات ءتىلشىسى.

«مەديتسينالىق مەكەمەلەر مەن ەمحانالاردان باسقا، ءبىز ۆاكسيناتسيا پۋنكتتەرىن ادامدار كوپ شوعىرلانعان جەرلەردە، ساۋدا جانە ويىن-ساۋىق ورتالىعىندا ورنالاستىردىق. سونىمەن قاتار، قالانىڭ شەتكى اۋداندارىنا جىلجىمالى ۆاكسيناتسياعا ارنالعان پۋنكتتەر اشىلادى. بۇل مەديتسينالىق جابدىقتارمەن جابدىقتالعان كولىكتەر بولادى. ونىڭ سانى سانى ازىرگە تورتەۋ»، - دەدى ناريمان تابىنبايەۆ و ك ق وتكەن بريفينگتە.

بۇعان دەيىن، الماتىدا كوروناۆيرۋسقا قارسى ۆاكسينا سالدىرۋدىڭ الگوريتمى تۇسىندىرىلگەن بولاتىن.

اۆتور: الما مۇقانوۆا