+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

التاي كولگىنوۆ ەلورداداعى جول ساپاسىن سىنعا الدى

9 ءساۋىر 14:15
:ءبولىسۋ
التاي كولگىنوۆ ەلورداداعى جول ساپاسىن سىنعا الدى

نۇر-سۇلتان. قازاقپارات - كوشەلەردى تەكسەرۋ بارىسى جولداردىڭ ساپالى ورىندالماعانىن كورسەتەدى.

بۇل تۋرالى ەلوردا اكىمى التاي كولگىنوۆ جەلىدەگى پاراقشاسىندا جازدى، دەپ حابارلايدى قازاقپارات. «كەيبىر جولداردىڭ جوندەلگەنىنە ءالى 3-4 جىل تولمادى، الايدا جوندەۋ جۇمىستارىن قايتا جۇرگىزۋ كەرەك! تۇرعىنداردىڭ شاعىمدارى نەگىزدەلگەن. بەيىندى باسقارمانىڭ مىندەتى تەك مەردىگەرلىك ۇيىمداردى انىقتاۋ ءۇشىن كونكۋرس وتكىزىپ قانا قويۋ ەمەس، سونىمەن بىرگە جولدىڭ ساپاسىن، ۇزاق ۋاقىت قىزمەت كورسەتۋىن قامتاماسىز ەتۋ! ادامدارعا قولايلى جاعداي جاساۋ»، - دەدى اكىم.

اكىم وسى باعىتتا بىرنەشە تاپسىرما بەردى. ءبىرىنشى. كولىك جانە جول- كولىك ينفراقۇرىلىمىن دامىتۋ باسقارماسىنا جول شۇڭقىرلارىن جوندەۋدى جەدەلدەتۋدى تاپسىردىم. ەكىنشى. جولداردى ورتاشا جوندەۋگە كىرىسۋ قاجەت. تىزىمگە جوندەۋدى قاجەت ەتەتىن جولداردى ەنگىزۋ قاجەت. ادام كوپ جۇرەتىن، جاڭا سالىنىپ جاتقان اۋداندارداعى كوشەلەرگە ءمان بەرگەن ءجون.

سونىمەن قاتار بۇرىن اسفالت توسەلمەگەن كوشەلەردى دە قوسۋ قاجەت. بىلتىرعىداي قالانىڭ ەسكى بولىگى مەن ەلدى مەكەندەرگە دە باسا نازار اۋدارامىز. ءۇشىنشى. بەيىندى باسقارما مەن جول قىزمەتكەرلەرىنە قويىلعان تالاپ جوعارى، سۇرانىس تا جوعارى بولماق! ساپاسىز جۇمىستار قابىلدانبايدى. جوسىقسىز مەردىگەرلەردى سوتقا بەرىپ، قارا تىزىمگە ەنگىزەمىز. ءتورتىنشى.

«قازاۆتوجولعا» ەسكەرتۋ جاسالدى. جوندەۋدە ساپاسىز ماتەريالداردى پايدالانۋعا جول بەرىلمەيدى. بەسىنشى. اسفالتبەتون زاۋىتىنىڭ جۇمىسىن ىسكە قوسامىز. بۇل جول جۇمىستارىنىڭ قارقىنىن جەدەلدەتۋگە مۇمكىندىك بەرەدى.

«جول قۇرىلىسى ستراتەگيالىق باعىتقا جاتادى. قالادا ءومىر سۇرۋگە جايلى جاعداي جاساۋ ماڭىزدى. بىلتىر 170 تەن استام كوشە جوندەلدى. ونىڭ 100 ى - ەلدى مەكەندەردە. بيىل با بىلتىرعى كورسەتكىشتەن كەم تۇسپەي، جۇمىس اتقارامىز»، دەپ تۇيىندەدى اكىم.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات