+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

ەلوردالىق ەرىكتىلەر اۋىزاشار قورجىنىن جەتكىزۋگە تارتىلادى

9 ءساۋىر 14:02
:ءبولىسۋ
ەلوردالىق ەرىكتىلەر اۋىزاشار قورجىنىن جەتكىزۋگە تارتىلادى

نۇر-سۇلتان. قازاقپارات - نۇر-سۇلتان قالاسىنىڭ باس يمامى ەربولات ءجۇسىپوۆ رامازان ايىندا مەشىتكە كەلۋدىڭ ءتارتىبىن ءتۇسىندىردى، دەپ حابارلايدى قازاقپارات ءتىلشىسى.

«نۇر-سۇلتان قالاسى «قىزىل» ايماقتا بولعاندىقتان، وسىعان قاتىستى ەرەجەلەردى ايتىپ كەتەيىن. بەس ۋاقىت ناماز تەك جەكەلەگەن تۇردە وقىلادى. ياعني، جاماعاتپەن ناماز وقىلمايدى. مەشىتتىڭ ەسىكتەرى اشىق. ءاربىر مەشىتكە كەلۋشى جەكە قۇلشىلىق ەتە الادى. قاسىنداعى اداممەن ارا قاشىقتىق مىندەتتى تۇردە 2 مەتر بولۋى كەرەك. بۇعان ءبىز ءجىتى ءمان بەرۋىمىز كەرەك. ناماز وقيتىن زالداردا يمامدار، نامازعا كەلۋشى ادامداردىڭ ءبارى مىندەتتى تۇردە ماسكا تاعۋى قاجەت. ماسكا تاعۋ بىزدە كۇن تارتىبىنەن قالمايتىن ماسەلە قازىر»، - دەدى يمام.

ول، سونداي-اق اۋىزاشار قورجىندارىن تاراتۋ ءىسى اكىمدىكپەن بىرلەسىپ ۇيىمداستىرىلاتىنىن ءمالىم ەتتى.

«ورازا ۇستاعان ادامدارعا مۇمكىندىگىنشە اۋىزاشار قورجىنىن ۇيىمداستىرىپ بەرۋىمىز كەرەك. ق م د ب-نىڭ وسىنداي نۇسقاۋى بار. ءبىز بۇل ىستە اكىمدىكپەن بىرگە قالامىزداعى ەرىكتىلەر مەن مەشىت جاماعاتىن تارتا وتىرىپ، ارنايى اۋىزاشار قوراپشالارىن جەتكىزەتىن بولامىز. ناماز وقىپ بولعاننان كەيىن ءبىز كەلۋشىلەرگە مەشىتتەن تەزىرەك شىعۋعا ءوتىنىش جاسايمىز. جاسى ۇلكەن قاريالاردىڭ، جاس بالالاردىڭ مەشىتتە ەمەس، ۇيدە قۇلشىلىق جاساۋىنا كەڭەس بەرەمىز. ءبىر ەسكەرتەتىن جاعداي، تاراۋىق ناماز جاماعاتپەن وقىلمايدى»، - دەدى استانانىڭ باس يمامى.

بۇعان دەيىن حابارلاعانىمىزداي، جاننا پراليەۆا ەلوردادا كوروناۆيرۋس جۇقتىرعاندار ءبىر اپتادا 12 پايىزعا وسكەنىن ءمالىم ەتتى. مامانداردىڭ ايتۋىنشا ، ورازا ۇستاعان ەلوردالىقتار دا ۆاكسينا الا الادى.

اۆتور: ەسىمجان ناقتىباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات