دارىگەر ورازانى توقتاتۋ تۋرالى كەڭەس بەرسە، قۇلاق اسقان ءجون - جاننا پراليەۆا

نۇر-سۇلتان. قازاقپارات - نۇر-سۇلتان قالاسىنىڭ باس مەملەكەتتىك سانيتار دارىگەرىنىڭ ورىنباسارى جاننا پراليەۆا استانالىقتارعا ورازا ۇستاۋ كەزىندە دەنساۋلىقتى قالاي كۇتۋ كەرەكتىگىن ايتتى، دەپ حابارلايدى قازاقپارات ءتىلشىسى.

«بيىل مۇسىلماندار ءۇشىن كوروناۆيرۋستىق ىندەت كەزىندە تاۋەكەل ەتىپ، السىزدىك تانىتپاي ورازانى دۇرىس ۇستاۋ تولعاندىراتىن ماسەلە اينالدى. جاسىراتىنى جوق، يسلامداعى 30 كۇندىك ورازا - اعزا ءۇشىن قيىن مىندەت. ول ءساتسىز ۋاقىتتا ادامداردىڭ بەلگىلى ءبىر ساناتتارىنىڭ يممۋندىق جۇيەسىن السىرەتۋى مۇمكىن. قاۋىپ-قاتەرگە دۋشار بولعان ادامدار، اتاپ ايتقاندا، جاقىندا كوروناۆيرۋسپەن سىرقاتتانعان، سوزىلمالى اۋرۋلارى بار جانە قالقانشا بەزىنىڭ پروبلەماسىنا تاپ بولعان جاندار كوبىنەسە رامازان ايىندا ساۋ ادامدارمەن بىرگە ورازا ۇستاعىسى كەلەدى. وسىنداي جاعدايدا بولعان ادامدارعا ءوزىنىڭ ورازا ۇستاۋ مۇمكىندىگىن 30 كۇندىك ورازا ورتالىعىندا تالقىلاۋ قاجەت»، - دەدى سانيتار دارىگەر.

مامان ورازانى ۇزۋگە نەگىز بولاتىن سىرقات بەلگىلەرىن دە اتادى.

«ەگەر ءسىز ساۋ بولساڭىز جانە بۇرىن دا ورازا ۇستاعان بولساڭىز، وندا سىزگە ەش كەدەرگى جوق. الايدا، اۋرۋدىڭ العاشقى بەلگىلەرى، بەزگەك، السىزدىك، ءيىس سەزبەۋ جانە باسقا دا بەلگىلەر پايدا بولعان جاعدايدا مەديتسينالىق كومەككە جۇگىنىپ، دارىگەر ورازاڭىزدى توقتاتۋ تۋرالى كەڭەس بەرسە، وعان قۇلاق اسقان ءجون. ەڭ باستىسى، الاڭداماڭىز. ويتكەنى كۇيزەلىستىڭ ءوزى يممۋنيتەتتىڭ تومەندەۋىنە ىقپال ەتەدى. دۇرىس تاماقتانىپ، مۇمكىندىگىنشە قوعامدىق ورىندارعا بارماۋ كەرەك. ال مۇنداي ورىندارعا بارعان جاعدايدا مەديتسينالىق ماسكا كيىپ، الەۋمەتتىك قاشىقتىقتى ساقتاۋ قاجەت»، - دەدى جاننا پراليەۆا. سونداي-اق ول ەلوردادا كوروناۆيرۋس جۇقتىرعاندار ءبىر اپتادا 12 پايىزعا وسكەنىن ايتتى.