سەمەيدەگى ءورت ءبىر ادامنىڭ ءومىرىن قيىپ كەتتى

سەمەي. قازاقپارات - سەمەي قالاسىندا جەكە تۇرعىن ۇيدە ءورت شىعىپ، ءبىر ادام قازا تاپتى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 8-ساۋىردە ساعات 20.00 شاماسىندا دەپوۆسكايا كوشەسىندەگى جەر ۇيدە ءورت شىققان. وقيعا ورنىنا ءورت سوندىرۋشىلەر شۇعىل كەلىپ جەتتى.

«قىزىل جالىن ءۇي شاتىرىنىڭ اعاش قۇرىلىمدارىن، تەرەزە مەن ەسىكتى شارپىعان. ءتىلسىز جاۋدىڭ جالپى اۋماعى 100 شارشى مەتردى قۇرادى. ءورت ءسوندىرۋ بارىسىندا قۇتقارۋشىلار بولمە ىشىنەن ءۇي يەسىنىڭ دەنەسىن تاپتى»، - دەپ حابارلادى ۆەدومستۆو وكىلدەرى.

سونىمەن قاتار جانىپ جاتقان ۇيدەن سىيىمدىلىعى 27 ليترلىك 1 گاز باللونى سىرتقا شىعارىلعان. الدىن الا مالىمەت بويىنشا ءورتتىڭ شىعۋىنا - تەمەكى شەگۋ كەزىندەگى ابايسىزدىق سەبەپ بولۋى مۇمكىن.