الماتى كوروناۆيرۋسقا قارسى ۆاكسينانىڭ تاعى ەكى ترانشىن الادى
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، بيىلعى جىلدىڭ 1- اقپانى مەن 8- ءساۋىرى ارالىعىندا 49160 ادامعا ەكپە سالىندى. ونىڭ 12281 ءى ۆاكسينانىڭ ەكى كومپونەنتىن دە العان.
وتكەن تاۋلىكتە 1180 ادام ەكپە سالدىردى. كەشەگى كۇنى قالاعا ۆاكسينانىڭ بەسىنشى جانە التىنشى ترانشى - 18000 جانە 29000 دوزا جەتكىزىلدى. جاقىن كۇندەرى ۆاكسينانىڭ 424 مىڭ دوزاسى الىنادى.
الماتى ەمحانالارىندا بارلىعى 198 ۆاكتسيناتسيا پۋنكتى اشىلدى. ساۋدا - ويىن ورتالىقتاردا - 20. سونداي-اق رەسپۋبليكا سارايىندا دا ورنالاستىرىلعان.
جالپى مەگاپوليستە ەكپە سالاتىن 250 پۋنكت جۇمىس ىستەيتىن بولادى.
«الماتىدا 2 ميلليونعا جۋىق تۇرعىن بار. ونىڭ ىشىندە 18 جاسقا دەيىنگى بالالاردىڭ سانىن الىپ تاستايتىن بولساق، تەوريالىق تۇرعىدان العاندا، حالىقتىڭ %50 ۆاكتسيناتسيالاۋعا بولادى. گامالەيا ينستيتۋتىنىڭ ميكروبيولوگيا پروفەسسورى الەكساندر گينتسبۋرگتىڭ ايتۋىنشا، كوروناۆيرۋسقا قارسى ۇجىمدىق يممۋنيتەتى قالىپتاستىرۋ ءۇشىن حالىقتىڭ %75 يممۋنداۋ قاجەت»، - دەپ حابارلادى باسقارمادان.
قازىر قالاداعى ەمحانالار ۆاكسينا سالدىرۋعا نيەتتى بارلىق كەلۋشىلەردى تىركەۋگە الىپ، كەزەككە قويىپ جاتىر.