مەملەكەت باسشىسى: قازىر كوپشىلىك ۆاكسينالاۋدىڭ ماڭىزدىلىعىن تولىق تۇسىنبەي جاتىر
«جۋىردا ۇكىمەتتىڭ كەڭەسىن وتكىزىپ، حالىقتى جاپپاي ۆاكسينالاۋدى جەدەلدەتۋدى تاپسىردىم. بۇل مىندەت، بىرىنشىدەن، نارىققا ۆاكسينانى ءتيىستى مولشەردە جەتكىزۋگە، ەكىنشىدەن، حالىققا ۆاكسينا سالۋدىڭ ماڭىزدىلىعىن ءتۇسىندىرۋ جۇمىستارىن جۇرگىزۋگە بايلانىستى. قازىر جۇرتتىڭ كوپشىلىگى ۆاكسينالاۋ شاراسىنىڭ ماڭىزدىلىعىن تولىق تۇسىنبەي جاتىر. ارينە، ءبىز ۆاكسينانى تەگىن سالامىز. سوندىقتان مەن ءوزىم دە ۆاكسينا ەگۋدەن باسقا جول جوق ەكەنىن ۇنەمى ايتىپ كەلەمىن»، - دەدى قازاقستان پرەزيدەنتى كەزدەسۋ بارىسىندا.
ايتا كەتەيىك، كەشە مەملەكەت باسشىسى قاسىم-جومارت توقايەۆ نۇر-سۇلتان قالاسىنا جۇمىس ساپارىمەن كەلگەن رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆتى قابىلداعان ەدى.
سونىمەن قاتار، 6- ءساۋىر كۇنى ق ر پرەزيدەنتى قاراعاندى فارماتسيەۆتيكا زاۋىتى شىعارعان «سپۋتنيك- V» ۆاكتسيناسىن سالدىردى.