فۋتبولدان ەۋروپا ليگاسى: «ارسەنال» ءوز الاڭىندا چەح كومانداسىمەن تەڭ ءتۇستى

None
None
نۇر-سۇلتان. قازاقپارات - بۇگىن، فۋتبولدان UEFA ەۋروپا ليگاسى 1/4 فينالىنداعى العاشقى ويىندار ءوتتى، دەپ حابارلايدى قازاقپارات ءتىلشىسى.

انگليانىڭ «مانچەستەر يۋنايتەد» كلۋبى سىرت الاڭدا يسپانيانىڭ «گرانادا» كومانداسىن 2:0 ەسەبىمەن ءسۇرىندىردى. بۇل ويىندا اعىلشىن كلۋبى ساپىنان ماركۋس راشفورد 31، برۋنۋ فەرناندەش 90-مينۋتتاردا مەرگەندىگىمەن كوزگە ءتۇستى.

ال نيدەرلاندىنىڭ «اياكسى» ءوز الاڭىندا يتاليانىڭ «روماسىنن» 1:2 ەسەبىمەن جەڭىلدى. الدىمەن نيدەرلاندتىق فۋتبولشى داۆي كلاسسەن ەسەپ اشسا، وعان يتاليالىق كلۋبتان لورەنتسو پەللەگريني 57، روجەر يبانەس 87-مينۋتتاردا قوس گولمەن جاۋاپ قايىردى.

ءوز الاڭىندا حورۆاتيانىڭ «دينامو زاگرەب» كلۋبى يسپانيانىڭ «ۆيلياررەال» كومانداسىنا 0:1 ەسەبىمەن جول بەردى. ونى 44-مينۋتتا يسپاندىق جەرار مورەنو پەنالتيدەن سوقتى.

انليانىڭ «ارسەنالى» ءوز الاڭىندا چەحيانىڭ «سلاۆيا پراگا» كلۋبىمەن 1:1 ەسەبىمەن تەڭ ءتۇستى.

ويىن بارىسىندا اعىلشىندىق كلۋب ساپىنان 86-مينۋتتا نيكوليا پەپە سوققان گولعا چەح فۋتبولشىسى توماش گولەش 90-مينۋتتا ءبىر گولمەن جاۋاپ قايىردى.

ايتا كەتەيىك، ەۋروپا ليگاسىنىڭ فينالى پولشانىڭ گدانسك قالاسىنداعى «گدانسك ارەنا» ستاديونىندا 26- مامىردا وتەدى.

2020-جىلى ەۋروپا ليگاسىندا يسپانيانىڭ «سيەۆيليا» كومانداسى چەمپيون اتاندى.

سوڭعى جاڭالىقتار