+7 (701) 759 90 19
11 °С : نۇر-سۇلتان
26 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

تالدىقورعاندا جاڭادان سالىنعان قالاشىقتىڭ تۇرعىندارىن جاپپاي سوتقا بەرىپ جاتىر

9 ءساۋىر 08:58
:ءبولىسۋ
تالدىقورعاندا جاڭادان سالىنعان قالاشىقتىڭ تۇرعىندارىن جاپپاي سوتقا بەرىپ جاتىر

تالدىقورعان. قازاقپارات - تالدىقورعاندا جاڭادان سالىنعان كوتتەدجدى قالاشىقتىڭ تۇرعىندارى گازعا بەلشەسىنەن قارىزعا باتىپ جاتىر.

250 تۇتىنۋشىنىڭ بەرەشەگى 22 ميلليونعا جەتكەن، دەپ حابارلايدى قازاقپارات ءتىلشىسى.

قازىر ەكى جىل بويى ۇندەمەدىك دەگەن «قاز ترانس گاز ايماق» ا ق فيليالى حالىقتى جاپپاي سوتقا بەرىپ جاتىر. ال تۇرعىندار بولسا ءۇي سۋىق بولعاندىقتان كوگىلدىر وتىن جاقتىق دەپ شىرىلداۋدا.

«مىنە، قالاشىقتىڭ بارلىق تۇرعىندارىن سوتقا شاقىرىپ جاتىر. 100، 200 مىڭ تەڭگەدەي ءبارىنىڭ قارىزى بار. قايدان الامىز، مەنىڭ اسىراۋشىم جوق. ءۇيدىڭ توبەسى جۇقا. بارلىق جىلۋ دالاعا كەتەدى. ءۇي سۋىق بولعاندىقتان توڭباس ءۇشىن گازدى اياماي قوسا بەرەمىز. «قاز ترانس گازدان» سوتقا قاعاز كەلدى. مەنىكى 118 مىڭ تەڭگە دەپ تۇر. مەن ونى قالاي تولەيمىن؟»، - دەيدى تالدىقورعانداعى كوتتەدجدى قالاشىقتىڭ تۇرعىنى گۇلنار بايباتچايەۆا.

ايتا كەتەيىك، تالدىقورعاندا جاڭادان سالىنعان كوتتەدجى قالاشىققا كوشىپ كەلگەن تۇرعىنداردىڭ باسىنان داۋ ارىلماي-اق قويدى. جاڭا باسپاناعا كىرگەننەن ءۇيدىڭ ساپاسىزدىعىنا شاعىمدانىپ، ەندى مىنە، كوگىلدىر وتىنعا قارىزعا باتتىق دەپ نارازى.

ال تۇرعىنداردى جاپپاي سوتقا بەرگەن «قاز ترانس گازداعىلار» قالاشىققا كوگىلدىر وتىن قۇبىرى زاڭسىز تارتىلعان دەپ شەنەۋنىكتەردىڭ كەمشىلىگىن جايىپ سالدى.

«مىنا جەرگە گاز زاڭسىز كەلىپ جاتىر. مىنا قۇبىرلار زاڭداستىرىلعان جوق. مىنا گاز قوسىلعاندا بىزدەن ءبىر دە ءبىر رۇقسات قاعاز العان جوق. زاڭسىز قوسىلعان، ءبىز ەكى جىل بويى ۇندەمەدىك» دەيدى «قاز ترانس گاز ايماق» ا ق جەتىسۋ وندىرىستىك فيليالىنىڭ ديرەكتورى راۆيل يسمايلوۆ.

حالىق ەرتەڭ اپاتتى جاعداي بولسا، ەشكىم جاۋاپ بەرمەيدى دەپ قورقادى. ال تالدىقورعانعا جاڭادان كەلگەن اكىم «ءبارىن زاڭداستىرامىز» دەپ حالىقتى سەندىردى.

«مىنا گازدىڭ جوباسىن جاسادىق. ساراپتامادان وتكىزەمىز دە، ەرتەڭ اقشاسىن تولەپ، بارلىعىن زاڭداستىرامىز. گاز، تراسسا كوميسسيا شەشىمىمەن «ەكسپلۋاتاتسياعا» ءوتۋى كەرەك»، - دەيدى تالدىقورعان قالاسىنىڭ اكىمى ەرجان جاسىبايەۆ. سونداي-اق، شەنەۋنىكتەردىڭ سوزىنشە، تۇرعىنداردىڭ كوگىلدىر وتىنعا بەرەشەگىنىڭ ءبىر بولىگىن مەردىگەر كومپانيا تولەيدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات