قازاقستاندىقتار مامىر ايىندا قانشا كۇن دەمالادى؟

نۇر-سۇلتان. قازاقپارات - قازاقستاندىقتار مامىر ايىندا 13 كۇن دەمالادى، دەپ حابارلايدى قازاقپارات.

مامىر ايىنداعى كۇنتىزبەدە 3 مەملەكەتتىك مەرەكە كۇن بار، اتاپ ايتساق 1- مامىر قازاقستان حالقىنىڭ بىرلىگى كۇنى، 7- مامىر وتان قورعاۋشىلار كۇنى، 9- مامىر جەڭىس كۇنى.

بيىل مەملەكەتتىك مەرەكە سانالاتىن 1- مامىر سەنبىگە ءدال كەلىپ وتىر.

«قازاقستان رەسپۋبليكاسىنداعى مەرەكەلەر تۋرالى» زاڭعا سايكەس، دەمالىس جانە مەرەكە كۇندەرى سايكەس كەلگەن جاعدايدا مەرەكەدەن كەيىنگى جۇمىس كۇنى دەمالىس بولىپ ەسەپتەلەدى.

دەمەك، قازاقستاندىقتار سەنبى، جەكسەنبى، دۇيسەنبى 3 كۇن قاتارىنان دەمالادى. سونىمەن قاتار، 9- مامىر جەكسەنبى دەمالىس كۇنگە كەلىپ تۇر. سوندىقتان قازاقستاندىقتار 7، 8، 9، 10- مامىر كۇندەرى تاعى دەمالاتىن بولادى.