+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

اقمولا وبلىسىندا كارانتين شەكتەۋى كۇشەيتىلدى

8 ءساۋىر 22:31
:ءبولىسۋ
اقمولا وبلىسىندا كارانتين شەكتەۋى كۇشەيتىلدى

كوكشەتاۋ. قازاقپارات - اقمولا وبلىسىندا كارانتيننىڭ شەكتەۋ شارالارىن كۇشەيتۋ تۋرالى ءوڭىردىڭ باس سانيتارلىق دارىگەرىنىڭ كەزەكتى قاۋلىسى شىقتى، دەپ حابارلايدى قازاقپارات ءتىلشىسى.

جاڭا قاۋلىدا وتباسىلىق، ەستەلىك (بانكەت، ۇيلەنۋ توي، مەرەيتوي، دۇعا) جانە كوپشىلىك جينالاتىن وزگە دە ءىس- شارالاردى قوعامدىق تاماقتانۋ وبەكتىلەرىندە جانە ۇيدە وتكىزۋگە تىيىم سالىنىپ وتىر. سونىمەن بىرگە، قوعامدىق تاماقتانۋ وبەكتىلەرىندە جانە ۇيدە (وتباسىلىق، ەستەلىك ءىس- شارالارى (بانكەت، ۇيلەنۋ توي، مەرەيتوي، مەرەكەلىك كورپوراتيۆ، لوتەرەيا ۇتىس ويىنى) ۇيىمداستىرىلعان كوپشىلىك جينالاتىن ءىس- شارالارعا، سونداي- اق قىزمەتى ق ر جانە اقمولا وبلىسىنىڭ ب م س د- ءنىڭ قولدانىستاعى قاۋلىلارىمەن شەكتەلگەن وبەكتىلەرگە بارۋدان باس تارتۋ ۇسىنىلدى.

«كوپشىلىك ءىس- شارالارىن (مەرەكەلىك، كوپشىلىك سپورت، ويىن- ساۋىق مادەني- كوپشىلىك ءىس- شارالاردى، فورۋم، كونفەرەنتسيا ت. ب. وتكىزۋگە)، وتباسىلىق ءىس- شارالاردى (بانكەت، ۇيلەنۋ تويى، مەرەيتوي، مەرەكەلىك كورپوراتيۆ، دۇعا) جانە كوپشىلىك جينالاتىن وزگە دە ءىس- شارالاردى، ونىڭ ىشىندە ۇيدە وتكىزۋگە تىيىم سالىنادى. ويىن- ساۋىق مەكەمەلەرى (كاراوكە، بيليارد، كومپيۋتەر كلۋبتارى، تۇنگى، ويىن كلۋبتار، بوۋلينگ ورتالىقتارى، جابىق ءۇي- جايلارداعى بالالاردىڭ ويىن الاڭدارى مەن اتتراكسيوندارى، باتۋت جانە تاعى باسقالار)، بۋكمەكەر كەڭسەلەرىنىڭ جانە ەرەسەكتەر مەن بالالارعا ارنالعان وزگە دە ويىن- ساۋىق، كاليان ورىندارىنىڭ (ونىڭ ىشىندە قوعامدىق تاماقتانۋ وبەكتىلەرىندەگى) قىزمەتى توقتاتىلادى. مەرەكەلىك كورپوراتيۆتەردى ۇيىمداستىرۋ مەن وتكىزۋگە، كورەرمەندەردىڭ قاتىسۋىمەن سپورت ءىس- شارالارىن وتكىزۋگە تىيىم سالىنادى»، - دەلىنگەن قاۋىلدا.

بۇدان بولەك، بانكەت زالدارى، بالالارعا ارنالعان ويىن- ساۋىق ورتالىقتارى، مادەنيەت وبەكتىلەر، كينوتەاتر، تەاتر، كونسەرت زالدارى، جۇيەلى جۇرمەيتىن وبلىسارالىق جانە قالالىق (تۋريستىك تاسىمال) قوزعالىسىن توقتاتادى. ال سەنبى مەن جەكسەنبىدە جابىق ازىق- تۇلىك ەمەس بازارلاردىڭ، ساۋدا ويىن- ساۋىق ورتالىقتارى، ساۋدا ۇيلەرى، ساۋدا ورتالىقتارىنىڭ، بالالار ويىن الاڭدارى مەن اتتراكتسيوندارىنىڭ، فيتنەس ورتالىقتارى، ترەناجەر زالدارى مەن سپورت- ساۋىقتىرۋ ورتالىقتارىنىڭ، ساۋنا، باسسەين، سپا ورتالىقتارىنىڭ قىزمەتىنە تىيىم سالىنادى.

سونىمەن قاتار، شتاتتىق كەستەدە 20 دان ارتىق قىزمەتكەر بولعاندا، قىزمەتكەرلەردىڭ كەمىندە 80 پايىزى قاشىقتىقتان جۇمىس اتقارادى. جاڭا قاۋلى 2021 -جىلعى 11-ساۋىردە ساعات 00.00 دەن باستاپ كۇشىنە ەنەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات