اتىراۋدا ينفەكسيالىق اۋرۋحاناعا كوروناۆيرۋس جۇقتىرعان ناۋقاستارعا تولدى
بۇگىن №2 وبلىستىق اۋرۋحانانىڭ ينفەكتسيالىق ستاتسيونارى كوروناۆيرۋسقا شالدىققان ناۋقاستاردى قابىلداۋدى قايتا جالعاستىردى، دەپ حابارلايدى قازاقپارات ءتىلشىسى اتىراۋ وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.
«8 -ساۋىردە تاڭەرتەڭ 200 ورىنعا ەسەپتەلگەن ءمودۋلدى ينفەكتسيالىق اۋرۋحانادا 190 ناۋقاس جاتتى. تۇسكە قاراي تولىعىمەن پاتسيەنتكە تولى بولدى. بۇگىنگى كۇندە وندا 17 ادام رەانيماتسيا بولىمشەسىندە جاتىر، ولاردىڭ التاۋى ءو ج ج (يۆل) اپپاراتىنا قوسىلعان. ولاردىڭ جاعدايى وتە اۋىر. قالعان ناۋقاستاردىڭ جاعدايى ورتاشا اۋىر»، - دەپ حابارلادى وبلىستىڭ دەنساۋلىق ساقتاۋ باسقارماسىنىڭ باسپا ءسوز قىزمەتى.
№2 وبلىستىق اۋرۋحانانىڭ باس دارىگەرى ماعجان سەيىتجانوۆتىڭ ايتۋىنشا، ينفەكتسيالىق ستاتسيونارعا 11 پاتسيەنت جاتقىزىلعان. اۋرۋحانا 180 ورىنعا ەسەپتەلگەن، ونىڭ 120 سى كوروناۆيرۋس ينفەكتسياسىنا شالدىققان ناۋقاستارعا دايىندالعان.
«قالعان 60 ورىن ءتۇرلى جۇقپالى اۋرۋلار جۇقتىرعان ناۋقاستارعا ارنالعان. جاقىن ارادا اۋرۋحانا تولىعىمەن كوروناۆيرۋسقا شالدىققاندارعا ينفەكتسيالىق ستاتسيونار رەجيمىندە جۇمىس ىستەۋى ءۇشىن ءبىز وسى پاتسيەنتتەردى باسقا مەديتسيتسنالىق مەكەمەلەرگە اۋىستىرۋدى جوسپارلاپ وتىرمىز»، - دەدى ماعجان سەيىتجانوۆ.
اۆتور: ۆيكتور سۋتياگين