21:49, 08 - ءساۋىر 2021 | GMT +6
جاپون عالىمدارى ءتىس ءوسىرۋدىڭ جاڭا تەحنولوگياسىن ويلاپ تاپتى
نۇر-سۇلتان. قازاقپارات - جاپون عالىمدارى ءتىس ءوسىرۋدىڭ جاڭا تەحنولوگياسىن ويلاپ تاپتى. جاڭا تەحنولوگيا ءتىسى ادامعا ۇقساس تىشقاندار مەن ساسىقكۇزەندەردە سىنالدى.
ەمدەۋ ءادىسى جاڭا تىستەردى وسىرۋگە ءماجبۇر ەتەتىن مونوكلونالدى انتيدەنەلەرگە نەگىزدەلگەن.
زەرتتەۋلەر كورسەتكەندەي، USAG-1 گەنىن بلوكتاۋ سۇيەك مورفوگەنەتيكالىق اقۋىزدىڭ بەلسەندىلىگىن ارتتىرادى. بۇل مولەكۋلالار دەنە مۇشەلەرى مەن ۇلپالارىنىڭ ءوسۋىن رەتتەۋگە جاۋاپ بەرەدى.
بۇل اقۋىزدىڭ بەلسەندىلىگىنە ارالاسۋ ەلەۋلى جاناما اسەرلەر تۋدىرۋى مۇمكىن. الايدا زەرتتەۋشىلەر USAG-1- ءدىڭ سۇيەك مورفوگەنەتيكالىق اقۋىزبەن ءوزارا ارەكەتتەسۋىن وزگەرتكەن ءبىرقاتار مونوكلونالدى انتيدەنەلەردى زەرتتەپ، جاناما اسەرلەر تۋدىرمايتىن انتيدەنەلەردى انىقتادى.
«ءبىزدىڭ كەلەسى جوسپارىمىز - انتيدەنەلەردى باسقا جانۋارلارعا، مىسالى، يت پەن شوشقاعا تاجىريبە جاساپ تەكسەرۋ»، - دەيدى عالىمدار.
massaget.kz