+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

ەلوردادا جاڭا كوپشىلىككە ارنالعان ورىندار پايدا بولادى

8 ءساۋىر 20:31
:ءبولىسۋ
ەلوردادا جاڭا كوپشىلىككە ارنالعان ورىندار پايدا بولادى

نۇر- سۇلتان. قازاقپارات - ەلوردانىڭ ۋربانيستيكا ورتالىعى قالا تۇرعىندارىمەن قوعامدىق كەڭىستىكتى اباتتاندىرۋ بويىنشا قوعامدىق تالقىلاۋلار وتكىزەدى.

وسىنداي كەزدەسۋلەردىڭ قورىتىندىسى بويىنشا بەيسەكبايەۆ جانە سەيفۋللين كوشەلەرىندەگى جاڭا الاڭداردىڭ ەسكيزى دايىندالادى، دەپ حابارلايدى قالا اكىمدىگىنىڭ رەسمي سايتى.

ۆوركاۋت- ايماق، ءتۇرلى جاتتىعۋ قۇرىلعىلارى بار سپورت- ايماق، يتتەردى سەرۋەندەتۋگە ارنالعان الاڭ. اتى اتالعان ورىندار بەيسەكبايەۆ كوشەسى 21،21/1 جانە سەيفۋللين كوشەسى 69، 69/2 ۇيلەرىنىڭ جانىنداعى اۋلا كەڭىستىگىنىڭ تۇجىرىمدامالىق شەشىمىندە قاراستىرىلعان. مۇنداي شەشىمدى قالا تۇرعىندارى مەن ۋربانيستيكا ورتالىعىنىڭ وكىلدەرى قابىلدادى. جوبا اياسىندا بىرنەشە ويىن الاڭى، وتىراتىن ورىندارى بار تىنىش جەر، كيىم كەپتىرۋگە ارنالعان ورىن، كولىك تۇراعى كوزدەلگەن.

سونىمەن قاتار، اۋماقتى كوگالداندىرۋ دا جوسپارلانىپ وتىر. جوبانى بيىل ىسكە اسىرۋ جوسپارلانۋدا. جۇمىس «نۇر- سۇلتان - جايلى قالا» شەبەر- جوسپارى بويىنشا جۇرگىزىلىپ جاتىر. قوعامدىق تالقىلاۋ - اۋلانى بىرىگە وتىرىپ جوبالاۋدىڭ ءبىر بولىگى.

«ەستەرىڭىزگە سالا كەتەيىك، بەلسەندىلەردىڭ ۋربانيستەرمەن بىرلەسكەن جۇمىسىنىڭ ءمانى - تۇرعىندار ءوز اۋلاسىندا قانداي وزگەرىستەر بولعانىن انىقتايدى. سونىڭ نەگىزى بويىنشا تىلەكتەرگە سۇيەنە وتىرىپ، جوبالىق شەشىم جاسالىپ، يدەيا جۇزەگە اسىرىلادى. جوبالاۋ الدىندا ەلوردالىق ۋربانيستەر ساۋالناما جۇرگىزىپ، قالا تۇرعىندارىنىڭ ءوتىنىشىن جينايدى. تۇرعىندارمەن كەزدەسۋلەردە كوماندالىق ديزاين- ويىن وتكىزىلەدى. ناتيجەسىندە، جاڭا قوعامدىق كەڭىستىكتى جايلاستىرۋ بويىنشا ەسكيزدىك ۇسىنىس پايدا بولادى»، - دەپ اتاپ ءوتتى ۋربانيستيكا ورتالىعىنىڭ وكىلدەرى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات