+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

باس ءمۇفتي: اۋىزاشاردى ۇيدە بەرۋ مەن قورجىنعا سالىپ جەتكىزۋدىڭ ساۋابى بىردەي

8 ءساۋىر 20:48
:ءبولىسۋ
باس ءمۇفتي: اۋىزاشاردى ۇيدە بەرۋ مەن قورجىنعا سالىپ جەتكىزۋدىڭ ساۋابى بىردەي

نۇر- سۇلتان. قازاقپارات - اۋىزاشاردى ۇيدە بەرۋ مەن قورجىنعا سالىپ جەتكىزۋدىڭ ساۋابى بىردەي.

بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ايتتى، دەپ حابارلايدى قازاقپارات ءتىلشىسى.

«ورازا كەزىندە ءبارىمىز تاراۋىققا، اۋىزاشارعا ۇيرەنىپ قالدىق. وكىنىشكە قاراي، اللا تاعالا بىزگە وسىنداي كەزەڭدى كورۋدى جازىپتى. ەندى بۇل كەزەڭنەن دە ساقتىقپەن، اقىلمەن، مادەنيەتتىلىكپەن ءوتۋىمىز كەرەك. قازىر قولىمىزدان كەلگەنشە «ورازا قورجىنى» دەگەن اتپەن اۋىزاشار بەرۋ ءتارتىبىن ناسيحاتتاپ جاتىرمىز. ەلىمىزدىڭ ءبىرقاتار ءوڭىرى قىزىل ايماققا ءوتىپ، سارى ايماقتا دا بىرنەشە ءوڭىر بار. سوندىقتان ساقتىق شاراسىنا نازار اۋدارىپ، ورازا اۋىزاشاردى بارىنشا جەتكىزىپ بەرۋ ارقىلى وتكىزسەك دەپ وتىرمىز. بۇل ءبىر- بىرىمىزگە دەگەن قۇرمەتىمىز بولادى»، - دەدى ناۋرىزباي قاجى تاعان ۇلى ورتالىق كوممۋنيكاتسيالار قىزمەتىندەگى بريفينگ بارىسىندا.

باس ءمۇفتي اۋىزاشاردى جەتكىزىپ بەرۋ مەن ۇيدە نە ءدامحانادا اۋىزاشار بەرۋدىڭ ساۋابى بىردەي ەكەندىگىن باسا ايتتى.

«ءسىز ۇيدە نەمەسە اسحانادا اۋىزاشار بەرسەڭىز دە، اۋىزاشاردى قورجىنعا سالىپ، اۋىز بەكىتكەن جانعا جەتكىزىپ بەرسەڭىز دە ساۋابى بىردەي بولادى. اۋىزاشار بەرۋ سۇننەت، ساۋاپتى امال. مىندەتتەلگەن امال ەمەس. ال ادامنىڭ ءومىرىن ساقتاۋ، قورعاۋ بىزگە بۇيىرىلعان مىندەتتى امال سانالادى»، - دەدى باس ءمۇفتي.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات