20:23, 08 - ءساۋىر 2021 | GMT +6
كوروناۆيرۋستان جازىلعاندارعا ورازا ۇستاۋعا بولا ما؟
نۇر- سۇلتان. قازاقپارات - كوروناۆيرۋستان جازىلعاندارعا ورازا ۇستاۋعا بولا ما؟
بۇل ساۋالعا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى جاۋاپ بەردى، دەپ حابارلايدى قازاقپارات ءتىلشىسى.
«ءدىنىمىز جەڭىلدىكتى قالايدى. ەگەر كورونۆيرۋسپەن اۋرىپ، جازىلعاننان كەيىن دەنساۋلىعىڭىز ورازا ۇستاۋعا جاراسا، ەش كەدەرگى جوق. ورازا ۇستاي بەرۋىڭىزگە بولادى. ال دارىگەر سىزگە قاۋىپتى بولاتىندىعىن، يممۋنيتەتىڭىز ءالسىز ەكەندىگىن ايتىپ، ورازا ۇستاۋعا بولمايدى دەسە، ۇستاماڭىز. يممۋنيتەتىڭىزدى جاقسارتىپ، ورازا بىتكەننەن كەيىن دە ۇستاماعان كۇندەرىڭىزدى تولىقتىرىپ الۋىڭىزعا بولادى»، - دەدى ناۋرىزباي قاجى تاعان ۇلى ورتالىق كوممۋنيكاتسيالار قىزمەتىندەگى بريفينگ بارىسىندا.