ەلوردادا ەر ادام باسقا بىرەۋدىڭ ساۋساق ءىزىن پايدالانىپ، كارتادان اقشا ۇرلاعان
تەرگەۋ بارىسىندا كۇدىكتىڭنىڭ قوناق ءۇي نومىرىندە تانىسىمەن ىشىمدىك ىشكەنى انىقتالدى. تۇندە دوسىنىڭ ۇيىقتاپ قالعانىن كۇتىپ، ونىڭ ساۋساق ءىزىن سكانەرلەگەن جانە تەلەفوندى بۇعاتتان شىعارعان. ودان ءارى ءموبيلدى قوسىمشادان اناسىنىڭ بانكتىك شوتىنا 130 مىڭ تەڭگە اۋدارعان.
جابىرلەنۋشى كەلەسى كۇنى اقشاسىنىڭ جوعالعانىن كورىپ، پوليسياعا حابارلاسقان. قازىر كۇدىكتى ۇرلىعىن مويىنداپ، اقشانى يەسىنە قايتاردى. ەندى وعان قىلمىستىق جاۋاپكەرشىلىك جۇكتەلەدى، سوتقا دەيىنگى تەرگەۋ امالدارى جۇرگىزىلۋدە. پوليسيا قىزمەتكەرلەرى ازاماتتاردى قىراعى بولۋعا شاقىرادى.
ساق بولىڭىزدار: ۇيالى تەلەفون مەن باسقا دا قۇندى زاتتاردى قاراۋسىز قالدىرماڭىز. اقشالاي قاراجاتتى ەشكىمنىڭ قولى جەتپەيتىن جەردە ساقتاڭىز. ەگەر ءسىز قىلمىستىڭ قۇربانى بولساڭىز، دەرەۋ پوليتسياعا حابارلاسىڭىز نەمەسە «102» نومىرىنە قوڭىراۋ شالىڭىز!.