+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

رەسەي تاراپىمەن وتكەن كولىسسوزدەر مازمۇندى جانە ناتيجەلى بولدى - مۇحتار تىلەۋبەردى

8 ءساۋىر 19:30
:ءبولىسۋ
رەسەي تاراپىمەن وتكەن كولىسسوزدەر مازمۇندى جانە ناتيجەلى بولدى - مۇحتار تىلەۋبەردى

نۇر- سۇلتان. قازاقپارات - رەسەي مەن قازاقستان XVII ايماقارالىق فورۋمعا دايىندىقتى پىسىقتاپ جاتىر، دەپ حابارلايدى قازاقپارات ءتىلشىسى.

قازاقستان پرەمەر- ءمينيسترىنىڭ ورىنباسارى - سىرتقى ىستەر ءمينيسترى م. تىلەۋبەردى ب ا ق وكىلدەرى الدىندا رەسەي فەدەراتسياسىنىڭ سىرتقى ىستەر ءمينيسترى س. لاۆروۆتىڭ جۇمىس ساپارىنىڭ قورىتىندىلارىن ءمالىم ەتتى.

«بۇگىنگى رەسەيلىك تاراپپەن بولعان كەلىسسوزدەرىمىز ادەتتەگىدەي وتە مازمۇندى جانە ناتيجەلى بولدى. ءبىز كوپتەگەن ماسەلەلەردى، سونىڭ ىشىندە ساياسي، ساۋدا- ەكونوميكالىق جانە مادەني- گۋمانيتارلىق سالالارداعى قازاقستان- رەسەي ىنتىماقتاستىعىنىڭ جاعدايى مەن پەرسپەكتيۆالارىن تالقىلاپ، حالىقارالىق كۇن تارتىبىندەگى ءبىرقاتار ماسەلەلەر بويىنشا پىكىر الماستىق. ارينە، ورتالىق ازياداعى، وڭتۇستىك كاۆكاز بەن تاياۋ شىعىستاعى تۇراقتىلىق پەن قاۋىپسىزدىكتى قامتاماسىز ەتۋ سياقتى ماڭىزدى ماسەلەلەر نازارىمىزدان تىس قالمادى»، - دەدى مينيستر.

ۆەدومستۆو باسشىسى رەسەيلىك تاراپپەن وتكەن كەلىسسوزدە ايماقتىق جانە جاھاندىق قاۋىپسىزدىكتىڭ كوپتەگەن پروبلەمالارىنا، اسىرەسە ساياسي ديالوگتا سەنىمدىلىكتى ارتتىرۋ نەمەسە نىعايتۋ تۇرعىسىنان ەكى تاراپتىڭ كوزقاراسى ورتاق ەكەنى ايتىلعانىن جەتكىزدى.

«اسا جوعارى جانە جوعارعى دەڭگەيدەگى حالىقارالىق ءىس- شارالار كەستەسىنە، اتاپ ايتقاندا، مەملەكەت باسشىلارىنىڭ ەكىجاقتى جانە كوپجاقتى ءىس- شارالارعا قاتىسۋىنا ەرەكشە نازار اۋدارىلدى. اتاپ ايتقاندا، شەكارا ىنتىماقتاستىعىنىڭ ەكىجاقتى ساۋدا اينالىمى شامامەن 70 پايىزىن قۇرايتىن قازاقستان مەن رەسەي اراسىنداعى قاتىناستارداعى ماڭىزدى ءرولدى ەسكەرە وتىرىپ، ءبىز قازاقستان مەن رەسەيدىڭ XVII ايماقارالىق ىنتىماقتاستىق فورۋمىنا دايىندىقتى پىسىقتاپ جاتىرمىز. ەستەرىڭىزدە بولسا، بۇل شارا پاندەمياعا بايلانىستى كەيىنگە قالدىرىلعان ەدى جانە بيىل كوكشەتاۋ قالاسىندا جوسپارلانعان. ەكى ەلدىڭ ايماقتارىنىڭ الدىندا تۇرعان وزەكتى ماسەلەلەر وسى فورۋمدا مەملەكەت باسشىلارىنىڭ قاتىسۋىمەن قارالادى دەگەن ويدامىز»، - دەدى مۇحتار تىلەۋبەردى.

اۆتور: ەسىمجان ناقتىباي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات