+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

ۆاكسيناتسيادان كەيىن كوروناۆيرۋس قانداي جاعدايلاردا جۇعۋى مۇمكىن

8 ءساۋىر 18:27
:ءبولىسۋ
ۆاكسيناتسيادان كەيىن كوروناۆيرۋس قانداي جاعدايلاردا جۇعۋى مۇمكىن

نۇر- سۇلتان. قازاقپارات - رەسپۋبليكالىق دياگنوستيكالىق ورتالىقتىڭ كلينيكالىق يممۋنولوگيا، اللەرگولوگيا جانە پۋلمونولوگيا ءبولىمىنىڭ مەڭگەرۋشىسى، مەديتسينا عىلىمدارىنىڭ دوكتورى ەلەنا كوۆزەل ۆاكسينا العاننان كەيىن قانداي جاعدايلاردا كوروناۆيرۋس جۇقتىرۋ مۇمكىن ەكەنىن ايتتى، دەپ حابارلايدى قازاقپارات ءتىلشىسى.

«ارينە، ۆاكسيناتسيادان كەيىن جۇقتىرۋ مۇمكىندىگى بار. ۆاكسينالىق جاۋاپ دەگەنىڭ ءوزى سالىستىرمالى ۇعىم. كەيبىر ادامداردا يممۋندىق رەاكسيا كۇشتى، ال باسقالارىندا ءالسىز بولادى. ەگەر ۆاكسيناتسيادان كەيىن جەتكىلىكتى يممۋندىق قابىلەت پايدا بولماسا، ارينە، جۇقتىرۋ قاۋپى بار. ەگەر ناۋقاستا ورتاشا يممۋندىق جاۋاپ پايدا بولسا، ءبىراق ۆيرۋستىڭ شابۋىلى كۇشتى بولسا، بۇل جاعدايدا دا ينفەكسيا جۇعۋى مۇمكىن. ءبىراق ءبىز ۆاكسيناتسيادان كەيىن ۆيرۋستىڭ شابۋىلى باسەڭدەيتىن شىعار دەپ وتىرمىز»، - دەدى مەديتسينا عىلىمدارىنىڭ دوكتورى.

ونىڭ ايتۋىنشا، ينفەكسيانىڭ جۇعۋ قاۋپى اعزانىڭ كۇيىنە بايلانىستى. «مىسالى، ينفەكسيا شابۋىلداعان كەزدە ادام تاعى ءبىر ۆيرۋستىڭ شابۋىلىنا قاتار ۇشىرادى نەمەسە باسقا ءبىر اۋرۋدىڭ ورشۋىنە بايلانىستى حيميوتەراپيا الىپ جۇرگەن كەزگە تاپ كەلدى دەيىك. مۇنداي جاعدايدا ۆاكسينا تۋدىرعان يممۋندىق قابىلەت ءبىز كۇتكەن قورعانىس بەرە الماۋى مۇمكىن»، - دەدى ەلەنا كوۆزەل.

ال ۆاكسينا العان ادامنىڭ بويىندا يممۋندىق جاۋاپ پەن انتيدەنەلەر 2-3 اپتادا قالىپتاسا باستايدى. «يممۋندىق جاۋاپتىڭ ءوزى، قورعانىس يممۋندىق انتيدەنەلەرى 2-3 اپتادا قالىپتاسا باستايدى. «م» - يممۋنوگلوبۋليننىڭ العاشقى قورعانىش انتيدەنەلەرى ۆاكسيناتسيادان كەيىن 7-8 كۇندە ونە باستايدى. ال ءبىز العىمىز كەلەتىن يممۋنيتەت ەكى- ءۇش اپتادان كەيىن قالىپتاسادى. ۆاكسينانىڭ ەكىنشى دوزاسى وسى سەبەپتى ءۇشىنشى اپتادا ەنگىزىلەدى»، - دەدى عالىم ونلاين ءدارىس بارىسىندا.

ەلەنا كوۆزەل ۆاكسيناتسيا قالىپتاستىرعان يممۋنيتەتتىڭ قانشا ۋاقىت ساقتالاتىنىن دا ايتتى. «بۇل ۆاكسينا تۇماۋعا قارسى ۆاكسينا سياقتى جۇمىس ىستەيدى. وزدەرىڭىز بىلەتىندەي، ءبىز جىل سايىن تۇماۋعا قارسى ۆاكسينا الامىز. كۇتىلەتىن ەڭ جوعارى يممۋندىق جاۋاپ، ارينە، ەكى جىل. يممۋندىق رەاكسيانىڭ ءوزى جاسۋشالىق جانە گۋمورالدى بولىپ بولىنەدى. جاسۋشالىق جاد ءومىر بويىنا قالادى. ءبىراق بۇل ۆيرۋستان تولىق قورعانۋ ءۇشىن جەتكىلىكسىز جانە گۋمورالدى يممۋندىق جاۋاپ سياقتى تەز جۇمىس ىستەمەيدى. ەگەر ءبىز قالىپتى يممۋندىق رەاكسيانى قاراستىراتىن بولساق، ەكى جىلعا سوزىلادى»، - دەدى مامان.

اۆتور: ەسىمجان ناقتىباي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات