نۇر-سۇلتاندا جالعان كولىك نومىرىمەن جۇرگەن ادام ۇستالدى

نۇر-سۇلتان. قازاقپارات - ەلوردادا مەملەكەتتىك جالعان نومىرمەن جۇرگەن Toyota كولىگىنىڭ جۇرگىزۋشىسى ۇستالدى، دەپ حابارلايدى قازاقپارات ءتىلشىسى.

«كەشكى ساعات 20.00 شاماسىندا تاۋەلسىزدىك كوشەسىندە پوليتسيا قىزمەتكەرلەرى جۇرگىزۋشىنى مانيەۆر جاساۋ ەرەجەلەرىن بۇزعانى ءۇشىن توقتاتىپ، سول ارقىلى قازاقستان رەسپۋبليكاسىنىڭ اكىمشىلىك كودەكسىنىڭ 595-بابىنىڭ تالاپتارىن بۇزعانىن انىقتادى»، - دەپ حابارلايدى نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتى.

باسپا ءسوز حابارلاماسىندا جازىلعانداي، قۇجاتتاردى تەكسەرۋ بارىسىندا قىزمەتكەرلەر جۇرگىزۋشىنىڭ كولىك قۇرالىنا جالعان مەملەكەتتىك تىركەۋ ءنومىرىن قويعانىن انىقتاپ، ق ر ا ق ب ت ك-نىڭ 590-بابى، 4-بولىگى بويىنشا بىلە تۇرا جالعان نەمەسە جالعان نومىرلىك بەلگىلەرى بار اۆتوكولىكتى باسقارعانى ءۇشىن اكىمشىلىك ءىس قوزعالدى.

«ماتەريال پروتسەسسۋالدىق شەشىم قابىلداۋ ءۇشىن نۇر- سۇلتان قالاسىنىڭ مامانداندىرىلعان اكىمشىلىك سوتىنا جىبەرىلدى. كولىك كوممۋنالدىق تۇراققا ورناتىلدى. جۇرگىزۋشىگە 20-ايلىق ەسەپتىك كورسەتكىش مولشەرىندە ايىپپۇل سالىنادى نەمەسە ءبىر جىل مەرزىمگە كولىك قۇرالدارىن باسقارۋ قۇقىعىنان ايىرىلادى»، - دەلىنگەن حابارلامادا.