اسحات ايماعامبەتوۆ : ج و و-لاردى جەكە نەمەسە مەملەكەتتىك دەپ بولمەيمىز
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.
«باستى ماقسات - جوعارى وقۋ ورىندارىنداعى ساپانى كوتەرۋ. ءبىلىم جانە عىلىم مينيسترلىگى ج و و- لاردى جەكە نەمەسە مەملەكەتتىك دەپ بولمەيدى. سەبەبى مەملەكەتتىك تە، جەكەمەنشىك جوعارى وقۋ ورنىندا دا ءبىلىم بەرۋ ساپاسى تومەن بولۋى مۇمكىن. وسى ورايدا وقۋ ورىندارى نەگىزسىز جىكتەلىپ، وسىنداي كوزقاراس قالىپتاسقان ەدى. بىزدە ەلدە جانە حالىقارالىق دەڭگەيدە باسەكەگە قابىلەتتى جەكە ج و و- لار بار جانە ولاردى ماقتان تۇتامىز»، - دەدى مينيستر ورتالىق كوممۋنيكاتسيالار قىزمەتىندە.
وسى ورايدا ول ەلىمىزدەگى ج و و-لار باسەكەگە قابىلەتتى ەمەس دەگەن تاپتاۋرىن پىكىردى ۇمىتۋ كەرەكتىگىن اتاپ ءوتتى. قازاقستانداعى وقۋ ورىندارىنىڭ باسىم بولىگى جوعارى ساپادا ءبىلىم بەرۋگە قاۋقارلى بولىپ وتىر.
«سوندىقتان مينيسترلىك جەكە جانە مەملەكەتتىك دەپ ءوزارا بولمەيدى. بۇل تۇرعىدا ساپالى ءبىلىم بەرۋ قىزمەتىن ۇسىناتىن وقۋ ورنى جانە ءبىلىمدى ءتيىستى دەڭگەيدە بەرە المايتىن جوعارى وقۋ ورنى دەپ قاراستىرامىز»، - دەدى ا. ايماعامبەتوۆ. بۇدان بۇرىن حابارلانعانداي، ق ر ءبىلىم جانە عىلىم ءمينيسترى اسحات ايماعامبەتوۆ ۇ ب ت-نى ەلەكتروندى فورماتتا ۇيىمداستىرۋعا قاتىستى پىكىر ءبىلدىردى.
اۆتور: رۋسلان عابباسوۆ