اتا-اناسى مىسىردا قالدىرىپ كەتكەن جاس ءوسپىرىم ەلگە ورالدى
بۇل تۋرالى «تۋريستىك قامقور» قورى ءمالىم ەتتى، دەپ حابارلايدى قازاقپارات ءتىلشىسى. ءتورت ادامنان تۇراتىن وتباسى مىسىردا دەمالعان. ولار ەلگە قايتاتىن كەزدە پ ت ر تەست تاپسىرعان. ۇلكەن ۇلىنىڭ تاپسىرعان تەستى وڭ ناتيجە بەرگەن. تۋروپەراتور وتباسىن مىسىردا ۇلدارىن قالدىرىپ، وزدەرىن قازاقستانعا ورالۋعا كوندىرگەن. اتا-انالارى بۇعان دەيىن بوزبالانىڭ باسقا ەلدەرگە جالعىز ۇشقانىنا سەنىپ، سولاي ىستەپتى.
«بالانىڭ اتا-اناسى ونى مىسىردا تاستاپ كەتكەنى دۇرىس بولعان، ويتكەنى ول بورتتا ەكى جۇزدەن استام ادامعا كوروناۆيرۋس جۇقتىرۋى مۇمكىن ەدى. بۇل رەتتە تۋروپەراتور بارلىق جاۋاپكەرشىلىكتى ءوز موينىنا الدى. جاس ء وسپىرىم قوناق ۇيدە قالدى. بارلىق شىعىندى قوناق ءۇي باسشىلىعى كوتەرىپ الدى»، - دەپ حابارلادى «تۋريستىك قامقور» قورىنان.
قورداعىلاردىڭ ايتۋىنشا، ونىڭ كەلۋى مەن ەمدەلۋىنە كەتەتىن بارلىق شىعىندار تۋريستەردىڭ موينىنا ءتۇستى دەگەن اقپارات - جالعان.
«ولار جاس تۋريستكە قامقورلىق جاسادى، ونى قولدادى. بۇل بيزنەسكە ەڭ لايىقتى كوزقاراستىڭ مىسالى. ولاردىڭ ۇستانىمدارىنىڭ ارقاسىندا بوزبالا ورنالاسقان قوناق ۇيدە تۇرۋ شىعىندارىن ءوز موينىنا الدى. ترانسفەر تولىعىمەن تۋروپەراتوردىڭ ەسەبىنەن بولدى. وسى وقيعالار بولعان كەزدە تۋروپەراتور جىگىتپەن، ونىڭ اتا-انالارىمەن ۇنەمى بايلانىسىن ۇزگەن جوق»، - دەپ اتاپ ءوتتى قورداعىلار.
سونداي-اق ساقتاندىرۋ كومپانياسىنىڭ يكەمدىلىگى مەن جاۋاپكەرشىلىگى دە ايتىلدى. ۇيىم حاتتاماعا سايكەس ارەكەت ەتتى: ەرەجە بويىنشا جاس جىگىتتى قوناق ءۇي بولمەسىندە وقشاۋلاپ، تاماقپەن قامتاماسىز ەتتى، ونىڭ جاعدايىن باقىلاپ، تەست اقشاسىن تولەدى. قازاقستاندىق جاس ءوسپىرىم امان-ەسەن ەلگە ورالدى.