اسحات ايماعامبەتوۆ ۆاكسيناعا قاتىستى ءوز كوزقاراسىن ايتتى

نۇر-سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ وتباسى مۇشەلەرى مىندەتتى تۇردە كوروناۆيرۋسقا قارسى ۆاكسينا سالدىراتىنىن ايتتى، دەپ حابارلايدى قازاقپارات ءتىلشىسى.

«بىلتىر تامىز ايىنىڭ باسىندا ۆاكسينانى سالدىرعان ەدىم. جالپى، جەكە ءوز باسىم جىل سايىن ەكپە قويدىراتىن ادامداردىڭ ساناتىندامىن، ياعني تۇماۋعا قارسى ەكپەنى جاساتىپ ءجۇرمىن. وتكەن جىلى ءۇش ۆاكسينا الدىم، سونىڭ ءبىرى - وتاندىق QazVac. اتاپ ايتقاندا، ۆاكسيناعا، عىلىمعا سەنىممەن قاراۋعا شاقىرامىن»، - دەدى مينيستر ورتالىق كوممۋنيكاتسيالار قىزمەتىندە.

سونىمەن قاتار ول ءوز وتباسى مۇشەلەرى دە مىندەتتى تۇردە كوروناۆيرۋسقا قارسى ۆاكسينا الاتىنىن ايتتى. «قازىرگى ۋاقىتتا ولار ەلىمىزدىڭ وزگە دە ازاماتتارى سياقتى ءوزىنىڭ كەزەگىن كۇتىپ ءجۇر. شاقىرتۋ كەلگەندە كەزەكپەن ەكپەنى سالدىرادى»، - دەدى اسحات ايماعامبەتوۆ. بۇدان بۇرىن حابارلانعانداي، اسحات ايماعامبەتوۆ COVID-19 ىندەتىنە قارسى وتاندىق ۆاكسينانى سالدىردى.