قىزىلوردا قالاسىنىڭ جاڭا اكىمى تاعايىندالدى

قىزىلوردا. قازاقپارات - قىزىلوردا قالاسىنىڭ جاڭا اكىمى تاعايىندالدى، دەپ حابارلايدى قازاقپارات ءتىلشىسى.

ق ر پرەزيدەنتى اكىمشىلىگى مەن قىزىلوردا قالالىق ءماسليحاتىنىڭ كەلىسىمدەرى بويىنشا وبلىس اكىمىنىڭ 2021 -جىلدىڭ 8-ساۋىردەگى وكىمىمەن قىزىلوردا قالاسىنىڭ اكىمى لاۋازىمىنا قازانتايەۆ عانيبەك قونىسبەك ۇلى تاعايىندالدى.

ع. قازانتايەۆ 1960 -جىلى قىزىلوردا وبلىسىندا دۇنيەگە كەلگەن. جامبىل گيدرومەليوراتيۆتىك- قۇرىلىس ينستيتۋتىن «ينجەنەر- قۇرىلىسشى» جانە قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «مۇناي جانە گاز كەنىشتەرىن يگەرۋ» ماماندىقتارى بويىنشا بىتىرگەن. ەڭبەك جولىن 1980 -جىلى جالاعاش اۋداندىق 9-جىلجىمالى مەحانيزاتسيالانعان كولوننانىڭ ماستەرى رەتىندە باستاعان. 1983-1992 -جىلدارى قىزىلوردا وبلىسىنداعى قۇرىلىس ۇيىمدارىندا ماستەر، اعا جۇمىس ءوندىرۋشى، ءوندىرىس- تەحنيكالىق ءبولىمىنىڭ باستىعى، 3-اۋدانارالىق مامانداندىرىلعان جىلجىمالى مەحانيزاتسيالانعان كولوننانىڭ باس ينجەنەرى.

1992-2013 -جىلدارى «نەفتەگازستروي قىزىلوردا» كورپوراتسياسىنىڭ پرەزيدەنتى، «اي-دان» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ ورىنباسارى، «س س ك «اقمەشىت» اكسيونەرلىك قوعامىنىڭ پرەزيدەنتى، «اي-دان مۇناي» جاۋاپكەرشىلىگى شەكتەۋلى سەرىكتەستىگىنىڭ اتقارۋشى ديرەكتورى، «سىرداريامۇناي» اكسيونەرلىك قوعامىنىڭ باس ديرەكتورى، «ترانسنەف سەرۆيس» ب ك» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى، «Kazpetrol Group» جاۋاپكەرشىلىگى شەكتەۋلى سەرىكتەستىگىنىڭ اتقارۋشى ديرەكتورى.

2013-2019 -جىلدارى سىرداريا اۋدانىنىڭ اكىمى قىزمەتىن اتقارعان. 2019 -جىلعى قىركۇيەك ايىنان باستاپ ق ر ەنەرگەتيكا مينيسترلىگىنىڭ مۇناي- گاز كەشەنىندەگى مەملەكەتتىك ينسپەكتسياسىنىڭ وڭتۇستىك ءوڭىرارالىق باسقارماسىنىڭ باسشىسى قىزمەتىن اتقارىپ كەلدى. بۇدان بۇرىن قىزىلوردا وبلىسى اكىمىنىڭ ورىنباسارى تاعايىندالعانىن حابارلاعان ەدىك.