اسحات ايماعامبەتوۆ ۆاكسيناعا قاتىستى مۇعالىمدەرگە ۇندەۋ جاسادى
«دەنساۋلىق ساقتاۋ مينيسترلىگىنىڭ بەرگەن اقپاراتىنا سايكەس، قازىرگى كەزدە ۆاكسينا سالعانداردىڭ 17 پايىزى مۇعالىمدەر. ۆەدومستۆو بىزگە ءتيىستى اقپاراتتى بەرىپ وتىر. جالپى، مۇعالىمدەر ۆاكسينانى ءوز ەركىمەن الدى، ەشكىم ماجبۇرلەمەيدى. ءبىراق مينيستر رەتىندە، قازاقستاننىڭ ازاماتى رەتىندە ارىپتەستەرىمدى ءوز ەركىمەن ۆاكسينانى سالدىرۋعا، عىلىمعا سەنۋىنە شاقىرامىن»، - دەدى مينيستر ورتالىق كوممۋنيكاتسيالار قىزمەتىندە.
ونىڭ ايتۋىنشا، بۇل قادامدار مۇعالىمنىڭ ءوزىنىڭ قاۋىپسىزدىگىنە، مەكتەپتە وقىپ جاتقان بالالاردىڭ، ۇجىم مەن وتباسىنىڭ قاۋىپسىزدىگىنە ارنالىپ وتىر.
«سوندىقتان ءبىزدىڭ ساراپشىلارعا سەنىپ، ۆاكسينانى دەر كەزىندە سالدىرىپ، ءتيىستى جاعداي جاسايدى دەپ ۇمىتتەنەمىن»، - دەدى ا. ايماعامبەتوۆ. بۇدان بۇرىن حابارلانعانداي، ق ر ءبىلىم جانە عىلىم ءمينيسترى ءوزىنىڭ وتباسى مۇشەلەرى مىندەتتى تۇردە كوروناۆيرۋسقا قارسى ۆاكسينا سالدىراتىنىن ايتتى.