پرەزيدەنت نەگە «سپۋتنيك-ۆ» ۆاكسيناسىن سالدىردى

نۇر-سۇلتان. قازاقپارات - ازاماتتارىمىز الەۋمەتتىك جەلىلەردە مەملەكەت باسشىسىنىڭ بۇعان دەيىن قازاقستاندىق ۆاكسينا سالدىرامىن دەپ، ءبىراق ونى كۇتپەي، «سپۋتنيك-V» ەكپەسىن العانى جونىندە سۇراقتار قويۋدا.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook پاراقشاسىندا جازدى، دەپ حابارلايدى قازاقپارات.

«پرەزيدەنتتىڭ ءارقاشان دا وتاندىق ءونىمدى قولدايتىنىن سەنىمدى تۇردە ايتا الامىن. قاسىم-جومارت توقايەۆ قاراعاندىدا شىعارىلعان ۆاكسينانى سالدىردى جانە ءبىزدىڭ عالىمدارعا تولىق سەنەدى. قازاقستاندىق ۆاكسينا ءوندىرىسى ىسكە قوسىلعاننان كەيىن مەملەكەت باسشىسى جامبىل وبلىسىنا بارىپ، كاسىپورىننىڭ جۇمىسىمەن ارنايى تانىسۋدى جوسپارلاپ وتىر. پرەزيدەنت كەلەسى جولى كوروناۆيرۋسقا قارسى وتاندىق ەكپەنى سالدىرۋعا نيەتتى. پرەزيدەنت كوروناۆيرۋسقا قارسى كۇرەستە حالىقتى جاپپاي ۆاكسيناتسيالاۋدان باسقا بالاما جوق ەكەنىنە سەنىمدى»، دەپ اتاپ وتكەن ءوز جازباسىندا بەرىك ءۋالي.