رامازان ايى: استانالىقتارعا ۇندەۋ جاسالدى

None
None
نۇر-سۇلتان. قازاقپارات - نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا رامازان ايىندا اۋىزاشاردى تەك وتباسى ورتاسىندا وتكىزۋگە شاقىردى، دەپ حابارلايدى قازاقپارات ءتىلشىسى.

«قۇرمەتتى ەلوردا تۇرعىندارىمەن قوناقتارى! ءبىزدىڭ قوعام ءۇشىن ماڭىزدى ءدىني مەرەكە - قاسيەتتى رامازان ايى جاقىنداپ كەلەدى. بۇل ەلىمىزدىڭ كوپتەگەن ازاماتتارى ءۇشىن ۇلكەن ماڭىزعا يە. قالانىڭ بارلىق ازاماتتارىن مەرەكە كۇندەرى تۇسىنىستىكپەن قاراپ، كارانتين رەجيمىن قاتاڭ ساقتاۋدى سۇرايمىز. ءبىز ءدىندار ادامداردىڭ رۋحاني جانە ءدىني سەزىمدەرىنە تەرەڭ قۇرمەتپەن قارايمىز. الايدا، ءقاۋىپتى ۆيرۋستىڭ اۋىر پاندەمياسى بارلىعىنىڭ دەنساۋلىعىنا قاۋىپ توندىرەدى»، - دەدى ول ەلوردا اكىمدىگىندە وتكەن باسپا ءسوز ءماسليحاتى بارىسىندا.

سارحات بەيسەنوۆا وسىعان بايلانىستى نۇر-سۇلتان قالاسىنىڭ سانيتارلىق- ەپيدەميولوگيالىق باقىلاۋ دەپارتامەنتى شەكتەۋ سيپاتىنداعى بارلىق ءىس- شارانى ەسكەرۋدى جانە ساقتاۋدى، اتاپ ايتقاندا، ۇجىمدىق ءىس- شارالاردى، ونىڭ ىشىندە ءۇي جاعدايىندا وتكىزبەۋدى ۇسىناتىندىعىن باسا ايتتى. «سونىمەن قاتار قوناقاسى نەمەسە بىرگە ۋاقىت وتكىزۋ ءۇشىن كەلگىسى كەلەتىن وتباسى مۇشەلەرى مەن دوستارىنا دا كەلۋگە جول بەرمەۋ كەرەك. 65 جاستان اسقان ادامدار تاۋەكەل توبىندا قالادى. وسىعان بايلانىستى قاسيەتتى رامازان ايىندا اۋىزاشاردى تەك وتباسى ورتاسىندا وتكىزۋدى ۇسىنامىز. پاندەميا كەزىندە الەۋمەتتىك اراقاشىقتىق ساقتاۋ وتە ماڭىزدى ەكەنىن ۇمىتپاڭىزدار. سوندىقتان ءبىز بارلىق ۇسىنىستاردى ورىنداۋعا جانە پاندەميا مەن كۇرەستە جاۋاپكەرشىلىك پەن بىرلىكتى كورسەتۋگە شاقىرامىز»، - دەدى ەلوردانىڭ باس سانيتار دارىگەرى.

اۆتور: مارلان جيەمباي

سوڭعى جاڭالىقتار