+7 (701) 759 90 19
+7 °С : نۇر-سۇلتان
+14 °С : الماتى
USD 432.94 EUR 513.68
RUB 5.62 CNY 66.1
جاڭالىقتار

ەلوردا ماڭىنداعى قوياندى كەنتىندەگى ۇيلەردى سۋ باستى

8 ءساۋىر 12:45
:ءبولىسۋ
ەلوردا ماڭىنداعى قوياندى كەنتىندەگى ۇيلەردى سۋ باستى

نۇر-سۇلتان. قازاقپارات - ەكى ءوڭىردىڭ قۇتقارۋشىلارى قوياندى كەنتىندە قۇتقارۋ جۇمىستارى جۇرگىزىلۋدە.

بۇل تۋرالى قازاقپارات ت ج م سىلتەمە جاساپ حابارلايدى.

ەلوردا ماڭىنداعى سەلينوگراد اۋدانىنىڭ قوياندى اۋىلىندا اقمولا وبلىسى مەن نۇر-سۇلتان قالاسىنىڭ قۇتقارۋشىلارى ءۇش تۇرعىن ۇيدەن ەرىگەن قار سۋىن سورۋ بويىنشا اۆاريالىق- قۇتقارۋ جۇمىستارىن جۇرگىزۋدە. وندا قاردىڭ قارقىندى ەرۋى جانە ەرىگەن سۋدىڭ جينالۋى سالدارىنان ۇيلەر مەن اۋلا اۋماقتارىن سۋ باستى. بۇل تۋرالى ق ر ت ج م رەسمي وكىلى تالعات ءۋالي ايتتى.

اۆاريالىق- قۇتقارۋ جۇمىستارىن جۇرگىزۋگە ت ج د مەن جەرگىلىكتى اتقارۋشى ورگاندارىنىڭ كۇشتەرى مەن قۇرالدارى جۇمىلدىرىلدى. اتاپ ايتقاندا 49 ادام، 17 بىرلىك تەحنيكا، 9 بىرلىك موتوپومپا. سونىمەن قاتار، سەلينوگراد اۋدانىنىڭ تالاپكەر، قاراوتكەل، قوياندى، ارايلى، قاراجار، قىزىلجار، اقمول، قوسشى، قابانباي باتىر، قىزىلسۋات جانە جارلىكول كەنتتەرىندە ەرىگەن قار سۋىن سورۋ جۇمىستارى جۇرگىزىلۋدە.

بۇگىن ساعات 10.35-تە نۇر-سۇلتان قالاسىنان «قازاۆياقۇتقارۋ» ا ق مي-869 تىكۇشاعى سۋ تاسقىنى جاعدايىنا مونيتورينگ جۇرگىزۋ ءۇشىن اۋەگە كوتەرىلدى. باعىتى ۆياچاسلاۆ سۋ قويماسى- قوياندى- يلينكا- پرەوبراجەنسكي سۋ رەتتەگىشى. تىكۇشاق ەرنەۋىندە اقمولا وبلىسى ت ج د، اكىمدىكتىڭ، قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنىڭ، «قازگيدرومەت» ر م ك وكىلدەرى بار. جاعداي اقمولا وبلىسى ت ج د باستىعى نۇرلان اتىعايەۆ پەن جەرگىلىكتى اتقارۋشى ورگانداردىڭ باقىلاۋىندا.


ايتا كەتۋ كەرەك، اقمولا وبلىسىندا قاردىڭ ەرۋى سالدارىنان سۋ باسۋعا جول بەرمەۋ ءۇشىن ەلدى مەكەندەردە قار شىعارۋ جۇمىستارى جۇرگىزىلۋدە. جالپى وبلىس بويىنشا 447813,76 تەكشە مەتر قار شىعارىلدى. 177921,8 تەكشە مەتر ەرىگەن قار سۋى سورىلدى. 13482 قاپقا ينەرتتى ماتەريالدار سالىنىپ، توسەلدى. 2511 مەتر بوگەت نىعايتىلدى. 128084,61 مەتر سۋ بۇرۋ ارنالارى مەن ارىقتارى تازارتىلدى. 2099 مەتر ارنالار مەن ارىقتار قالىپقا كەلتىرىلدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات