قازاقستاندا ءبىر ايدىڭ ىشىندە تۇرعىن ءۇي باعاسى قانشاعا ءوستى؟

نۇر-سۇلتان. قازاقپارات - قازاقستاندا ءبىر ايدا اباتتاندىرىلعان تۇرعىن ۇيلەردى الىپ ساتۋ باعالارى - %2، جاڭا تۇرعىن ۇيلەردى ساتۋ %0,5 ءوستى.

بۇل تۋرالى قازاقپارات ۇلتتىق ستاتيستيكا بيۋروسىنا سىلتەمە جاساپ حابارلايدى.

«ءبىر ايدا (2021-جىلعى ناۋرىز 2021-جىلعى اقپانعا) اباتتاندىرىلعان تۇرعىن ۇيلەردى الىپ ساتۋ باعالارى - %2، جاڭا تۇرعىن ۇيلەردى ساتۋ %0,5 ءوستى. اباتتاندىرىلعان تۇرعىن ءۇيدى جالعا الۋ تولەمى %0,6 جوعارى بولدى»، - دەلىنگەن حابارلامادا.

ەسكە سالساق، بۇعان دەيىن جىلجىمايتىن مۇلىك سالاسىنداعى وپەراتسيا كولەمى وتكەن جىلمەن سالىستىرعاندا اقشالاي ءمانى %37,7 وسكەنى تۋرالى حابارلاعان بولاتىنبىز.