وڭتۇستىك كورەيا جاندىكتەردى ءوسىرۋدى كۇرت كوبەيتپەك

سەۋل. YONHAP - قازاقپارات - وڭتۇستىك كورەيا اۋىل شارۋاشىلىعى مينيسترلىگى بەيسەنبىدە 2025-جىلعا دەيىن جاندىكتەر نارىعىنىڭ كولەمىن 140 ميلليارد ۆونعا (124 ميلليون ا ق ش دوللارى) دەيىن ارتتىرۋدى جانە بۇل سەگمەنتتى ازىق-تۇلىك ونەركاسىبى دامۋىنىڭ جاڭا قوزعاۋشى كۇشى رەتىندە دامىتۋدى جوسپارلاپ وتىرعانىن مالىمدەدى، دەپ حاببارلايدى قازاقپارات YONHAP اگەنتتىگىنە سىلتەمە جاساپ.

اۋىل شارۋاشىلىعى، ازىق-تۇلىك جانە اۋىلدىق ىستەر مينيسترلىگىنىڭ دەرەگىنشە، 2019-جىلدان ماقساتتى نارىقتىق باعا %55 ءوسىمدى كورسەتەدى.

«ءبىز سالانى دامىتۋدى جانە بولاشاقتا ازىق-تۇلىك تاپشىلىعى ماسەلەسىن شەشۋگە كومەكتەسەتىن جاندىكتەردى پايدالانۋ ارقىلى ەكولوگيالىق تازا اقۋىز كوزدەرىن ءوندىرۋدى جوسپارلاپ وتىرمىز»، - دەلىنگەن مينيسترلىك حابارلاماسىندا.

جاندىكتەردى وندىرۋمەن اينالىساتىن فەرمالار مەن كومپانيالاردىڭ سانى 2020-جىلى 2535 ءتى كورسەتتى. بۇل 2015-جىلعى كورسەتكىشكە قاراعاندا (908) كۇرت وسكەندىكتى كورسەتەدى.