قول ۇستاسىپ ۇيىنەن قاشقان تارازدىق عاشىقتار قىرعىزستاننان تابىلدى
23- ناۋرىزدا پوليتسياعا وبلىس ورتالىعىنىڭ 45 جاستاعى تۇرعىنى 17 جاستاعى ۇلىنىڭ جوعالىپ كەتكەنى تۋرالى حابارلاسقان، ول ناۋرىزدىڭ 22 نەن 23 نە قاراعان ءتۇنى ۇيىنەن بەلگىسىز باعىتتا شىعىپ، قايتىپ ورالماعان.
اتالعان دەرەك بويىنشا سوتقا دەيىنگى تەرگەۋ امالدارى باستالدى. تەرگەۋ بارىسىندا كامەلەتكە تولماعان بالانىڭ تەلەفون نومىرىنەن كەتىپ بارا جاتقاندا، ول ۇيدەن ءوز ەركىمەن كەتۋگە شەشىم قابىلداعانى جانە قايتىپ ورالمايتىنى تۋرالى حابارلاما كەلگەنى انىقتالدى.
سول كۇنى تۋىستارى جاس ءوسپىرىمدى ىزدەي باستاعان. ءوز بەتىنشە ىزدەۋ ناتيجە بەرمەگەن سوڭ اتا-اناسى پوليتسياعا جۇگىندى. كەيىنىرەك جىگىتتىڭ كەتۋىنىڭ سەبەبى - ونىڭ اتا-اناسى سويلەسۋگە تىيىم سالعان 16 جاستاعى دوس قىزىنا بايلانىستى وتباسىلىق جانجال بولعان.
بەلگىلى بولعانداي، جاس ءوسپىرىم ءوزى عانا ەمەس، سۇيىكتىسىمەن بىرگە كەتكەن. كامەلەتكە تولماعانداردى ىزدەۋگە جامبىل وبلىسىنىڭ قالالىق جانە اۋداندىق پوليتسيا بولىمدەرىنىڭ بارلىق جەكە قۇرامى جۇمىلدىرىلدى.
جاس وسپىرىمدەر تۋرالى باعدار قازاقستان رەسپۋبليكاسىنىڭ بارلىق وبلىستىق پوليتسيا دەپارتامەنتىنە جىبەرىلدى. سونىمەن قاتار، ىزدەۋ شارالارىنا ەرىكتىلەر تارتىلدى. اناسىنىڭ ايتۋىنشا، كەتىپ بارا جاتقان كەزدە كامەلەتكە تولماعان بالانىڭ قولىندا ۇيالى تەلەفونى جانە مەتال سىنىقتارىن جيناپ- تاپسىرعاننان تۇسكەن از عانا اقشاسى بولعان.
14 كۇن بويى ىزدەگەن جاس وسپىرىمدەردى قىرعىزستاننىڭ پوليتسيا قىزمەتكەرلەرى تاپتى.
جاستاردىڭ دەنساۋلىعى مەن تارتىبىنە، ولاردىڭ ومىرىنە ەشتەڭە قاۋىپ توندىرمەيدى.
ولاردى تەز تابۋ ءۇشىن بارلىق شارالار قابىلداندى. ىزدەۋ جۇمىستارىن قيىنداتۋعا تىرىسقان ولار شاشتارىن قارا تۇسكە بوياۋ ارقىلى سىرتقى تۇرلەرىن وزگەرتكەن.
ول جاقتا دا مەتال سىنىقتارىن جيناپ-تاپسىرعان قارجىعا ءومىر سۇرگەن.
قابىلداۋ پۋنكتىنە مەتال سىنىقتارىن تاپسىرۋ كەزىندە كورشى رەسپۋبليكانىڭ ميليتسيونەر- ارىپتەستەرىمەن ۇستالدى.
قازىرگى ۋاقىتتا كامەلەتكە تولماعانداردىڭ زاڭدى وكىلدەرى قىرعىزستانعا كەتتى. تەرگەۋ امالدارى جۇرگىزىلىپ جاتىر.