+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

ازەربايجاندا «قازاق ادەبيەتى اپتالىعى» باستالدى

8 ءساۋىر 09:45
:ءبولىسۋ
ازەربايجاندا «قازاق ادەبيەتى اپتالىعى» باستالدى

باكۋ. قازاقپارات - قازاقستان تاۋەلسىزدىگىنىڭ 30 جىلدىعىنا وراي ازەربايجاننىڭ عىلىم اكادەمياسىنداعى ورتالىق عىلىمي كىتاپحاناسىندا «قازاق ادەبيەتى اپتالىعى» باستالدى، دەپ حابارلايدى «قازاقپارات» ح ا ا مەنشىكتى ءتىلشىسى.

قازاقستان مەن ازەربايجان اراسىنداعى مادەنيەت پەن عىلىم سالاسىنداعى ۇزاقمەرزىمدى ىنتىماقتاستىق باعدارلاماسىن جۇزەگە اسىرۋ جۇمىستارى اياسىندا 2021-جىلدىڭ 7- ساۋىرىندە قازاقستاننىڭ ازەربايجانداعى ەلشىسى سەرجان ابدىكارىموۆ ازەربايجاننىڭ عىلىم اكادەمياسىنداعى ورتالىق عىلىمي كىتاپحاناسىندا بولىپ، وندا اتالمىش كىتاپحانا ديرەكتورى مامەد اليەۆپەن كەزدەستى.

تاراپتار كىتاپحانا وكىلدەرى ۇيىمداستىرعان، ءساۋىردىڭ 7 ءسى مەن 14 ءى ارالىعىندا وتەتىن «قازاق ادەبيەتى اپتالىعىن» بىرلەسىپ اشتى.

شارانىڭ اشىلۋ راسىمىندە سويلەگەن سوزىندە م. اليەۆ بۇل جوبانىڭ ەكى مەملەكەتتىڭ مادەني جانە عىلىم سالاسىنداعى ەكىجاقتى ىنتىماقتاستىعىن نىعايتۋعا ەلەۋلى ۇلەس قوساتىنىن ايتتى. ءوز كەزەگىندە سەرجان ابدىكارىموۆ ەكى ەل جاستارىنىڭ بولاشاعى ءۇشىن ءبىلىم، كىتاپالماسۋ جانە عىلىمي زەرتتەۋلەرمەن الماسۋ باعىتىنداعى بايلانىستاردى كەڭەيتۋدىڭ ماڭىزى زور ەكەنىن جەتكىزدى.

كەزدەسۋ قورىتىندىسى بويىنشا، تاراپتار كىتاپحانا ىسىنە قاتىستى عىلىمي-اقپاراتتىق ىنتىماقتاستىقتى بەلسەندەندىرىپ، وسى باعىتتا عىلىمي كىتاپحانالار جانە قازاقستان مەن ازەربايجاننىڭ مەكەمەلەرى اراسىندا ءتيىستى كەلىسىمگە قول قوياتىن بولىپ ۋاعدالاستى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات