فۋتبول: الەم قۇرامالارىنىڭ جاڭارتىلعان رەيتينگى جاريالاندى

نۇر-سۇلتان. قازاقپارات - حالىقارالىق فۋتبول فەدەراتسياسى قاۋىمداستىعى (FIFA) ەرلەر اراسىنداعى الەم قۇرامالارىنىڭ جاڭارتىلعان رەيتينگىن جاريالادى، دەپ حابارلايدى قازاقپارات ءتىلشىسى.

جاڭارتىلعان نۇسقادا قازاقستان قۇراماسى بۇرىنعىسىنان ەكى ورىنعا تومەن ءتۇسىپ، 124-ورىنعا جايعاستى.

قازاقستاندىق فۋتزالشىلار ناۋرىز ايىندا ەكى ويىن وتكىزدى. الدىمەن فرانسيادان 0:2 ەسەبىمەن جەڭىلىپ، ودان كەيىن ۋكراينامەن 1:1 ەسەبىمەن تەڭ وينادى.

ايتا كەتەيىك، قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانسيا، ۋكراينا، بوسنيا جانە گەرتسوگوۆينا، فينليانديا.

قازاقستان قۇراماسىنىڭ قارسىلاستارى اراسىندا ەڭ جوعارى ورىندا فرانسيا كەلەدى، ولار ەكىنشى ورىنعا جايعاسقان. ودان كەيىنگى ورىندارداعى ۋكراينا -24، فينليانديا - 55، بوسنيا جانە گەرتسوگوۆينا - 56- ورىندا تۇر.

رەيتينگ باسىندا بەلگيا قۇراماسى كەلەدى. ۇزدىك ۇشتىكتى برازيليا فۋتبولشىلارى تۇيىندەپ تۇر.