تۇركيادا انادولى اگەنتتىگىنىڭ باسشىسى اۋىستى

انكارا. انادولى - قازاقپارات - «انادولى» اگەنتتىگى ديرەكتورلار كەڭەسىنىڭ باسشىسى جانە اگەنتتىكتىڭ باس ديرەكتورى اۋىستى.

بۇل قىزمەتكە سەردار قاراگوز تاعايىندالدى، دەپ حابارلايدى قازاقپارات اگەنتتىككە سىلتەمە جاساپ.

اگەنتتىكتىڭ باسقارما قۇرامىنىڭ وتىرىسى انكاراداعى باس كەڭسەدە ءوتتى. ءماجىلىس قورىتىندىسى بويىنشا «انادولىنىڭ» ديرەكتورلار كەڭەسىنىڭ قۇرامى وزگەردى.

سوڭعى التى جىل بويى ديرەكتورلار كەڭەسىن باسقارعان شەنول كازانجى قىزمەتىن سەردار قاراگوزگە تاپسىردى. سونىمەن بىرگە ديرەكتورلار كەڭەسىنىڭ جاڭا قۇرامىندا دوكتور يۋسۋف وزكىر، پروفەسسور حاسان نۋري ياشار، دوكتور يسمايل چاگلار مەن بيۋشرا كارادۋمان اكتۋن بار.

لاۋازىمىن تاپسىرۋ كەزىندە شەنول كازانجى سوڭعى التى جىل بويى «انادولى» اگەنتتىگىنىڭ ۇجىمى جەمىستى جۇمىس ىستەگەنىن اتاپ ءوتىپ، تۇركيا پرەزيدەنتى رەجەپ تايىپ ەردوعانعا قولداۋ كورسەتكەنى ءۇشىن العىس ايتتى.