شىعىس قازاقستاندا كارانتين تالابىن ساقتامايتىندار ءالى دە تىيىلماي تۇر

وسكەمەن. قازاقپارات - شىعىس قازاقستان وبلىسىندا شەكتەۋ شارالارىن بۇزعاندارعا ايىپپۇل سالىنۋدا، دەپ حابارلايدى قازاقپارات ءتىلشىسى.

«وڭىردە ارنايى قۇرىلعان مونيتورينگىلىك توپتار كارانتين تالاپتارىنىڭ ساقتالۋىن قاداعالاۋ ءۇشىن قوعامدىق كولىكتەردە، دۇكەندەردە، ءدارىحانالار مەن باسقا دا مەكەمەلەردە كۇن سايىن رەيد جۇرگىزۋدە. 6- ءساۋىر كۇنى سەمەيدە 316 نىسان تەكسەرىلگەن. ناتيجەسىندە كارانتين تالابىن بۇزۋدىڭ 4 فاكتىسى انىقتالدى. سونداي-اق بۇرىن تىركەلگەن بۇزۋشىلىقتار بويىنشا 350040 تەڭگە مولشەرىندە 8 ايىپپۇل ءوندىرىلىپ، 393795 تەڭگە سوماسىنا 9 حاتتاما تولتىرىلعان»، - دەلىنگەن ش ق و اقپارات ورتالىعى تاراتقان مالىمەتتە.

كۋرچاتوۆ قالاسىندا تەكسەرۋ بارىسىندا 26 نىسان قامتىلعان. شەكتەۋ شارالارىن بۇزعان 1 ادام تىركەلدى. شەمونايحا اۋدانىندا مونيتورينگىلىك توپتار 71 نىساندى ارالاپ، ماسكا رەجيمىن بۇزۋدىڭ 3 فاكتىسىن انىقتادى. سونداي-اق گلۋبوكوە اۋدانىندا 114 نىسانعا تەكسەرۋ جۇرگىزىلدى. ناتيجەسىندە، ماسكا رەجيمىن بۇزۋدىڭ 1 فاكتىسى تىركەلگەن.