مەديا، كينو جانە بىرلەسكەن تەلەارنا - ايدا بالايەۆانىڭ تۇركياعا ساپارىنىڭ قورىتىندىسى

None
None
نۇر-سۇلتان. قازاقپارات - ق ر اقپارات جانە قوعامدىق دامۋ ءمينيسترى ايدا بالايەۆا تۇركياعا رەسمي ساپارمەن باردى.

ساپار اياسىندا تۇركيالىق ارىپتەستەرمەن قانداي ماسەلەلەر تالقىلانىپ، قانداي ۋاعدالاستىققا قول جەتكىزىلگەنىن قازاقپارات ح ا ا ماتەريالىنان وقىڭىزدار. ايدا بالايەۆا جۇمىس ساپارى اياسىندا تۇركيا پرەزيدەنتى اكىمشىلىگىنىڭ قوعاممەن بايلانىس جونىندەگى باسقارماسىنىڭ باسشىسى فاحرەتتين التۋنمەن، جاستار جانە سپورت ءمينيسترى مەحمەت كاساپوعلۋمەن جانە ءدىن ىستەرى باسقارماسىنىڭ ءتوراعاسى الي ەرباشپەن كەزدەسۋلەرى ناتيجەلى ءوتتى.

مەحمەت كاساپوعلۋمەن كەزدەسۋ بارىسىندا قازاقستاننىڭ اقپارات جانە قوعامدىق دامۋ مينيسترلىگى مەن تۇركيا رەسپۋبليكاسىنىڭ جاستار ءىسى جانە سپورت مينيسترلىگى اراسىندا جاستار ساياساتى سالاسىنداعى ءوزارا تۇسىنىستىك تۋرالى مەموراندۋم جاساسۋ قاجەتتىلىگى تۋرالى ۋاعدالاستىققا قول جەتكىزىلدى. ىنتىماقتاستىق بويىنشا ۆولونتەرلىك قىزمەتتەگى تاجىريبە الماسۋ كوزدەلەدى. ايدا بالايەۆا 2021 -جىلعى 31-ناۋرىزدا وتكەن تۇركى كەڭەسىنىڭ بەيرەسمي سامميتىندە مەملەكەت باسشىلارىنىڭ СОVID-19 پاندەمياسىنىڭ تارالۋىنا جول بەرمەۋ ءۇشىن بىرىگۋ جانە ارىپتەستىك ورناتۋ قاجەتتىگى تۋرالى ايتقانىن ەسكە سالدى.

سونداي-اق قازاقستاندىق مينيستر ەكى ەلدىڭ جاستار كوشباسشىلارى اراسىنداعى قارىم- قاتىناستى جانداندىرۋ الاڭى سانالاتىن - تۇركى كەڭەسىنىڭ IV جاستار فەستيۆالىنىڭ بيىل قازاقستاندا وتەتىنىن اتاپ ءوتتى.

تۇركيا رەسپۋبليكاسى ءدىن ىستەرى باسقارماسىنىڭ ءتوراعاسى الي ەرباشپەن كەزدەسۋدە مينيستر ايدا بالايەۆا تۇركيا ۋنيۆەرسيتەتتەرىندە قازاقستان مۇسىلماندارى ءدىني باسقارماسىنىڭ جىبەرۋىمەن قازاقستاندىق تەولوگتاردى دايارلاۋداعى ىنتىماقتاستىقتى ودان ءارى تەرەڭدەتۋ مەن نىعايتۋعا مۇددەلىلىك ءبىلدىردى.

سونىمەن قاتار مينيستر تۇركيانىڭ تەلەۆيزيا نارىعى كوشباسشىلارىنىڭ باسشىلارىمەن كەزدەستى.

اتاپ ايتقاندا، «TRT» مەملەكەتتىك تەلە-راديوكومپانياسىنىڭ باسشىسى يبراحيم ەرەنمەن، تۇركيانىڭ «Anadolu» اقپاراتتىق اگەنتتىگىنىڭ باسشىلىعىمەن جانە ىستانبۇلداعى تەلەسەريالدار ءتۇسىرۋ الاڭىنىڭ ديرەكتورى ياحەي تايپ ايدەنيزمەن كەزدەسۋلەر ءوتتى.

مينيسترلىك بىرلەسكەن كونتەنت قۇرۋ، ونىڭ ىشىندە ورتاق تۇركى مادەنيەتى مەن تاريحىن تانىمال ەتۋ ماسەلەلەرى بويىنشا تەليەۆيزيالىق ونىمدەردىڭ تۇرىك وندىرۋشىلەرىمەن ىنتىماقتاستىعىنىڭ كولەمى مەن ساپاسىن ارتتىرۋعا دايىن.

ايتا كەتەۋ كەرەك، «Qazaqstan» رترك مەن تۇركيانىڭ «TRT» مەملەكەتتىك تەلە- راديوكومپانياسى اراسىندا «قورقىت اتا» بىرلەسكەن تەليەۆيزيالىق جوباسىن قۇرۋ تۋرالى كەلىسسوزدەردى باستاۋ تۋرالى كەلىسىمگە قول جەتكىزىلدى. سونداي-اق، تۇرىك تاراپى تۇسىرگەن قوجا احمەت ياساۋي تۋرالى تەلەحيكايانىڭ كورسەتىلىمى قازاقستان كورەرمەندەرىنە دە تاياۋ ارادا كورسەتىلەتىنى بەلگىلى بولدى. تەلەۆيزيالىق مامانداردىڭ تاجىريبە الماسۋى اياسىندا ايدا بالايەۆا تۇركيانىڭ جەتەكشى ماماندارىن قازاقستاندىق ارىپتەستەرىن وقىتۋعا جانە ۇيرەتۋگە شاقىردى.

ول بۇل باعىتتاعى جۇمىستى پاندەميا كەزىندەگى ەپيدەميولوگيالىق جاعداي تۇراقتالعاننان كەيىن وفلاين- فورماتتا ۇيىمداستىرۋعا بولاتىندىعىن اتاپ ءوتتى.

مينيستر تۇركيانىڭ مەديا سالاسى مەن شىعارماشىلىق توپتارىنىڭ وكىلدەرىن وسى جىلى ىسكە قوسىلعان «Turkistan» تەلەارناسىنىڭ جوبالارىنا قاتىسۋعا شاقىردى.

مينيستر ايدا بالايەۆا تۇركيا پرەزيدەنتى اكىمشىلىگىنىڭ قوعاممەن بايلانىس جونىندەگى باس باسقارماسىنىڭ باسشىسى فاحرەتتين التۋنعا شاقىرتۋ ءۇشىن العىس ايتىپ، ونى ق ر «اقپارات سالاسىنىڭ ۇزدىگى» توسبەلگىسىمەن ماراپاتتادى. ق ر ا ق د م باسشىسىنىڭ رەسمي ساپارىن تۇركيا بۇقارالىق اقپارات قۇرالدارى جان-جاقتى كورسەتتى.

ماسەلەن، «Anadolu» اگەنتتىگى ايدا بالايەۆانىڭ فاحرەتتين التۋنمەن كەزدەسۋىن ەگجەي- تەگجەيلى جازدى. «انكاراداعى كەزدەسۋ كەڭەيتىلگەن جانە ەكىجاقتى فورماتتا ءوتتى. تاراپتار تۇركيالىق- قازاقستاندىق قارىم- قاتىناستى، سونىمەن قاتار قوعامدىق ديپلوماتيانى، مادەنيەت، كوممۋنيكاتسيا جانە مەديا سالالارىنداعى ىنتىماقتاستىقتى دامىتۋ بويىنشا كۇش- جىگەردى تالقىلادى. التۋن قازاقستاندى تاۋەلسىزدىگىنىڭ 30 جىلدىعىمەن قۇتتىقتادى.

ونىڭ اتاپ وتۋىنشە، تۇركيا پرەزيدەنتى رەدجەپ تاييپ ەردوعان قازاقستانمەن جانە تۇركى الەمىمەن قارىم-قاتىناسقا ايرىقشا ءمان بەرەدى. ول تۇركيانىڭ قازاقستانمەن، سونداي- اق تۇركى الەمى ەلدەرىمەن قارىم- قاتىناسىنداعى ىنتىماقتاستىقتى اتاپ ءوتتى»، - دەپ جازدى اگەنتتىك.

تۇركيا پرەزيدەنتى اكىمشىلىگىنىڭ قوعاممەن بايلانىس جونىندەگى باس باسقارماسىنىڭ باسشىسى تۇركيا قازاقستانمەن تەك مەديا سالاسىندا عانا ەمەس سونىمەن بىرگە كينەماتوگرافيادا دا قارىم- قاتىناستى دامىتۋعا نيەتتى ەكەندىگىن ايتادى.

ونىڭ سوزىنە قاراعاندا، تاياۋ ۋاقىتتا بۇل باعىتتا ماڭىزدى قادامدار جاسايتىن بىرلەسكەن جۇمىس توبى قۇرىلاتىن بولادى. سونىمەن قاتار التۋن قازاقستان پرەزيدەنتى قاسىم- جومارت توقايەۆ پەن تۇڭعىش پرەزيدەنت نۇرسۇلتان نازاربايەۆقا ىستىق سالەمىن جولدادى. مۇنان بولەك، مينيستر ىستانبۇلدا تۇراتىن قازاق دياسپوراسىنىڭ بەلسەندى وكىلدەرىمەن كەزدەستى.

ايدا بالايەۆا شەتەلدە تۇراتىن ەتنيكالىق قازاقتارعا قازاقستاندا بولىنەتىن گرانتتار، وتانداستار قورى ارقىلى سىرتتاعى قازاق دياسپوراسىنا كورسەتىلەتىن قولداۋ تۋرالى ايتىپ بەردى. سونداي-اق ول ەل تاۋەلسىزدىگىنىڭ 30 جىلدىعىنا وراي دۇنيەجۇزى قازاقتارى كىشى قۇرىلتايىنىڭ بيىل ىستانبۇلدا وتەتىنىن جەتكىزدى.

تولىقتاي العاندا، اقپارات ءمينيسترىنىڭ تۇركياعا ساپارى اياسىندا مىناداي ۋاعدالاستىقتارعا قول جەتكىزىلگەندىگىن اتاپ وتۋگە بولادى:

- ۆولونتەرلىك قىزمەت بويىنشا تاجىريبە الماسۋ؛

- بىرلەسكەن كونتەت جاساۋ ماسەلەرى بويىنشا تۇرىكتىڭ تەلەۆيزيالىق ءونىم وندىرۋشىلەرمەن ىنتىماقتاستىق؛

- «قورقىت اتا» بىرلەسكەن تەلەۆيزيالىق جوباسىن جاساۋ؛

- تەلەۆيزيالىق مامانداردىڭ تاجىريبە الماسۋى اياسىندا تۇركيانىڭ جەتەكشى ماماندارىن قازاقستاندىق ارىپتەستەرىن وقىتۋعا جانە ۇيرەتۋگە شاقىرۋ؛

- تۇركيانىڭ مەديا سالاسى مەن شىعارماشىلىق توپتارىنىڭ وكىلدەرىن «Turkistan» تەلەارناسىنىڭ جوبالارىنا قاتىسۋعا شاقىرۋ.

اۆتور: مارلان جيەمباي

سوڭعى جاڭالىقتار