+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

فۋتبولدان چەمپيوندار ليگاسى: بۇگىن جارتىلاي فينالدىڭ ەكى ويىنى بولادى

7 ءساۋىر 11:14
:ءبولىسۋ
فۋتبولدان چەمپيوندار ليگاسى: بۇگىن جارتىلاي فينالدىڭ ەكى ويىنى بولادى

نۇر-سۇلتان. قازاقپارات - UEFA چەمپيوندار ليگاسى 1/4 فينالىندا بۇگىن، 7- ساۋىردە تاعى ەكى ويىن وتكىزىلەدى، دەپ حابارلايدى قازاقپارات ءتىلشىسى.

العاشقى جۇپتا «پورتۋ» (پورتۋگاليا) مەن «چەلسي» (انگليا) كوماندالارى كەزدەسەدى. ويىن ەلوردا ۋاقىتىمەن 00:50 دە باستالىپ، «Qazaqstan» تەلەارناسىنان تىكەلەي ەفيردە كورسەتىلەدى.

كوماندالار بۇعان دەيىن التى مارتە جولىقتى. ونىڭ بىرەۋىندە «پورتۋ» جەڭىسكە جەتىپ، بىرەۋىندە تەڭ ناتيجە تىركەلسە، قالعانىندا «چەلسي» مىقتىلىعىن تانىتتى.

بۇگىنگى ويىندا ەكى كوماندا قۇرامىندا دا جاراقاتتانعان ويىنشىلار بار. ماسەلەن، پورتۋگال كلۋبى ساپىندا فەرناندو اندرادە وسىنداي سەبەپپەن كەزدەسۋدەن تىس قالسا، اعىلشىن باپكەرلەرى تەممي ابراحام مەن نگولو كانتە سىندى فۋتبولشىلارعا ءۇمىت ارتا المايدى. ويىندا سلوۆەنيالىق سلاۆكو ۆينچيچ باس تورەشى قىزمەتىن اتقارادى.

وعان سول ەلدەن كەلگەن توماج كلانچنيك پەن اندراج كوۆاچيچ كومەكشىلىك جاسايدى. قوسالقى تورەشى دە - سلوۆەنيالىق ماتەي يۋگ.

تاعى ءبىر ويىندا «باۆاريا» (گەرمانيا) مەن «پاري سەن-جەرمەن» (فرانسيا) كوماندالارى شەبەرلىك بايقاسادى. ويىن ەلوردا ۋاقىتىمەن 00:50-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

ەكى كوماندا بۇعان دەيىن اتالعان تۋرنيردە ءتورت مارتە جولىقتى. ونىڭ ۇشەۋىندە «باۆاريا» باسىم تۇسسە، بىلتىر فينالدا «پاري سەن-جەرمەن» اتالعان قارسىلاسىن 1:0 ەسەبىمەن جەڭىپ كەتتى.

ەكى كوماندا قۇرامىندا جاراقات سالدارىنان ويىن تىس قالاتىن ويىنشىلار بار. ولاردىڭ قاتارىندا «باۆاريا» قاتارىندا لەون گورەتسكا، روبەرت لەۆاندوۆسكي، كورەنتين توليسسو مەن دۋگلاس كوستانىڭ ەسىمى اتالىپ وتىر.

ال «پاري سەن-جەرمەن» قۇرامىندا مۇنداي تىزىمگە حۋان بەرنات، ماركو ۆەرراتتي، لەيۆين كۋرزاۆا، ماۋرو يكاردي، الەسساندرو فلورەنتسي، الەكساندر لەتەلە مەن پەرەيرا دانيلۋ ەنگىزىلگەن.

ويىندا يسپانيالىق ماتەۋ لاوس باس تورەشى مىندەتىن اتقارادى. وعان سول ەلدەن كەلگەن پاۋ سەبريان ديەۆيس مەن روبەرتو دياس پەرەس دەل پالومار كومەكشىلىك جاسايدى. قوسالقى تورەشى دە - يسپانيالىق حاۆەر ەسترادا فەرناندەس.

ەستەرىڭىزگە سالا كەتەلىك، 6- ساۋىردە اتالعان ءتۋرنيردىڭ شيرەك فينالىندا ەكى ويىن وتكىزىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات