قازاقستان مەن ۆەنگريا وتكىزۋ نارىقتارىن قايتا باعدارلاۋعا نيەتتى
ورتالىق ازياداعى ارنايى وكىلى بۇگىنگى تاڭدا ۆەنگريا قازاقستان ءۇشىن شىعىس ەۋروپاداعى ءداستۇرلى ماڭىزدى جانە پەرسپەكتيۆالى ساۋدا سەرىكتەسى بولىپ تابىلادى. ماسەلەن، 2020-جىلدىڭ قورىتىندىسى بويىنشا ساۋدا كولەمى %9,7 ءوسىپ، $111,8 ميلليون قۇرادى.
باقىت سۇلتانوۆتىڭ پىكىرىنشە، ەلدەر اراسىندا ءارتاراپتاندىرۋ قاجەتتىلىگى تۋىندايدى. قازاقستان تاراپىنان ءوزارا ساۋدا ءۇشىن ءبىرقاتار ۇسىنىستار جانە جالپى سوماسى $302 ميلليون بولاتىن 45 ءونىم اتاۋىنان تۇراتىن الەۋەتتى تاۋارلار تىزبەسى ۇسىنىلدى.
سونىمەن قاتار، باقىت سۇلتانوۆ قازاقستاندا سۇلى، زىعىر، كۇنباعىس جانە دارىلىك شوپتەر وسىرۋگە باعىتتالعان ورگانيكالىق ونىمدەردىڭ 60 تان استام ءوندىرۋشىسى بار ەكەنىن حابارلادى.
كاسىپورىنداردىڭ ءبىر بولىگى قازىرگى ۋاقىتتا ەو ۋاكىلەتتى ورگاندارىندا اككرەديتتەۋدەن وتۋدە. قازاقستان ە و ەلدەرىنە جىلىنا 10 ميلليون ەۋروعا ورگانيكالىق ءونىم ەكسپورتتايدى.
بۇل رەتتە الەۋەت جىلىنا 200 ميلليون ەۋرودان استامدى قۇرايدى.
ە و- دا ورگانيكالىق ونىمدەردى تۇتىنۋ جىل سايىن 20 ميلليارد ەۋرودان اسادى. كەلىسسوزدەر بارىسىندا تۇتىنۋشىلاردى قازاقستاندىق جانە ۆەنگەرلىك ءوندىرىس ونىمدەرىمەن تانىستىرۋ ءۇشىن ونلاين فورماتتا ساۋدا ميسسيالارىن وتكىزۋ مۇمكىندىگى قاراستىرىلدى.
بۇدان باسقا، باقىت سۇلتانوۆ قازاقستاننىڭ اگروونەركاسىپتىك كەشەنىنىڭ الەۋەتى تۋرالى حابارلادى، سونداي-اق ۆەنگر تاراپىنا ستاندارتتار مەن ءونىم ساپاسىن ءوزارا تانۋ ءۇشىن تاۋارلاردى عىلىمي زەرتتەۋگە جانە سەرتيفيكاتتاۋعا قاتىسۋدى ۇسىندى.
سونداي-اق، ۆەدومستۆو باسشىسى ك ت و جانە ترانسشەكارالىق ساۋدا ورتالىقتارىن (تستت) قۇرا وتىرىپ، ۇلتتىق تاۋار وتكىزۋ جۇيەسى جەلىسىن قۇرۋ جونىندەگى جوسپارلار تۋرالى ايتىپ بەردى.
ۆەنگر تاراپىنا ۆەنگر ينۆەستيتسيالارىن تارتۋ ءۇشىن «قورعاس» ش ى ح و الەۋەتىن پايدالانۋ، سونداي-اق ونى ق ح ر نارىعىنا كوتەرمە-بولشەك ەكسپورتتاۋ ءۇشىن الاڭ رەتىندە پايدالانۋ ۇسىنىلدى.
سونىمەن قاتار، تاراپتار ونەركاسىپ سالاسىنداعى ىنتىماقتاستىق الەۋەتىن، سۋ رەسۋرستارىن باسقارۋ سالاسىنداعى ىنتىماقتاستىقتى، سونداي-اق گەولوگيا سالاسىنداعى قىزىعۋشىلىقتى تالقىلادى.
«ەلدەر اراسىندا كولىك سەرۆيستەرىنىڭ تيىمدىلىگىن، شەكتەس نارىقتارعا شىعۋ ءۇشىن لوگيستيكالىق ينفراقۇرىلىمدى ءوزارا پايدالانۋدى، سونداي-اق بىرلەسكەن جوبالاردى ىسكە اسىرۋدى جولعا قويۋ قاجەت. ۆەنگريا ءۇشىن بۇل ورتالىق ازيا مەن قىتاي، ال قازاقستان ءۇشىن شىعىس جانە ورتالىق ەۋروپا ەلدەرى»، - دەدى ب. سۇلتانوۆ.
ەستەرىڭىزگە سالا كەتەيىك، قازاقستاننىڭ ترانزيتتىك الەۋەتىن ماجارستان كونتەينەرلىك پويىزدار قۇرامىندا قىتايمەن ەكسپورتتىق-يمپورتتىق ءونىمدى جەرۇستى كولىگىمەن جەدەل جەتكىزۋ ءۇشىن پايدالانادى (تۇراقتى كونتەينەرلىك پويىزدار سيان، شەنسي جانە باسقا قىتاي قالالارىنان، سونداي-اق قازاقستان مەن ۋكراينا ارقىلى كەرى باعىتتا جۇرەدى).
سونىمەن قاتار، بىرلەسكەن جوبالاردى ىسكە اسىرۋ ماقساتىندا ماجار تاراپىنا قازاقستان مەن شىعىس ەۋروپا ەلدەرى اراسىنداعى ساۋدانى دامىتۋ ءۇشىن قازاقستان رەسپۋبليكاسىنىڭ ساۋدا وكىلدىگىن قۇرۋ ۇسىنىلدى.
«ۆەنگريا كونستيتۋتسياسىندا تاماق قۇرامىندا گەندىك موديفيكاتسيالانعان قوسپالار بولماۋى كەرەك دەپ جازىلعان. سوندىقتان ءبىز ۆەنگريادان ساتىپ الىنعان بارلىق ونىمدەردىڭ قاۋىپسىز ەكەندىگىنە كەپىلدىك بەرە الامىز. ءبىز سەرتيفيكاتتاۋ جۇيەسىن ۇيلەستىرۋ قاجەت ەكەندىگىمەن كەلىسەمىز جانە ءبىز تۇركى كەڭەسى ەلدەرى قولداناتىن سەرتيفيكاتتاردى ءوزارا پرينتسيپ بويىنشا تانۋعا دايىنبىز»، - دەپ اتاپ ءوتتى ۆەنگريانىڭ سىرتقى ىستەر جانە سىرتقى ساۋدا ءمينيسترى پەتەر سيارتو.
سونداي-اق، ماجار تاراپى ەلدەر اراسىنداعى ساۋدانىڭ ءوزارا ءىس-قيمىلى ءۇشىن قارجى بازاسىن قامتاماسىز ەتۋ قاجەت ەكەنىن حابارلادى جانە ەۋرازيالىق دامۋ بانكىنە قابىلداۋ بويىنشا قولداۋ سۇرادى.
كەزدەسۋ قورىتىندىسى بويىنشا ق ر ساۋدا جانە ينتگەراتسيا ءمينيسترى باقىت سۇلتانوۆ قازاقستان وتكەن جىلى ءوز استاناسىندا تۇركى كەڭەسىنىڭ ەۋروپالىق بولىمشەسىن اشۋ ارقىلى ۆەنگريانىڭ تۇركى الەمىنە بەلسەندى ينتەگراتسيالانۋىن قولدايتىنىن اتاپ ءوتتى، سونداي-اق تۇركى كەڭەسىندەگى ماجارستاننىڭ بايقاۋشى مارتەبەسى ورتالىق ازيا ەلدەرىمەن، سونداي-اق ە و ەلدەرىمەن ىنتىماقتاستىققا وڭ اسەر ەتەتىنىنە سەنىم ءبىلدىردى.