+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

فۋتزال: قازاقستان قۇراماسى ەۋروپا چەمپيوناتى فينالدىق كەزەڭىنە جولداما الدى

6 ءساۋىر 22:14
:ءبولىسۋ
فۋتزال: قازاقستان قۇراماسى ەۋروپا چەمپيوناتى فينالدىق كەزەڭىنە جولداما الدى

نۇر-سۇلتان. قازاقپارات - فۋتزالدان قازاقستان قۇراماسىنىڭ 2022-جىلعى ەۋروپا چەمپيوناتىنا فينالدىق كەزەڭىنە ەكى تۋر بۇرىن جولداما الدى.

قازاقستاندىقتار توپتىق ىرىكتەۋ كەزەڭىندە بۇگىن، 6- ساۋىردە سىرت الاڭدا ۆەنگريادان باسىم ءتۇستى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەلىك، قازاقستاندىق فۋتزالشىلار بەسىنشى توپقا ءتۇستى. قارسىلاستارى - ۆەنگريا، بەلارۋس جانە يزرايل قۇرامالارى. بۇگىنگى ويىندا قازاقستاندىق فۋتزالشىلار قارسىلاستار قاقپاسىنا التى گول سالدى.

ونى شىڭعىس ەسەنامانوۆ 5، ازات ۆاليۋللين 9، تاينان 10، دۋگلاس جۋنيور 23، البەرت اقبالىقوۆ 33-مينۋتتاردا ءوزىنىڭ ەنشىسىنە جازدى.

ال 14-مينۋتتا ۆەنگريالىق يمرە نود ءوزىنىڭ قاقپاسىنا گول سوعىپ الدى. وعان الاڭ يەلەرى ءبىر گولمەن جاۋاپ قايىردى. وسىلايشا قازاقستان قۇراماسى قارسىلاسىنان 6:1 ەسەبىمەن باسىم ءتۇستى.

ايتا كەتەيىك، بۇعان دەيىن قازاقستاندىق فۋتزالشىلار ءۇش ويىن وتكىزدى. ونىڭ بارلىعىندا جەڭىسكە جەتتى. الدىمەن ەلوردادا بۇگىنگى قارسىلاسى - ۆەنگريانى 5:0 ەسەبىمەن تىزە بۇكتىرسە، ودان كەيىن بەلارۋستەن 5:2 ەسەبىمەن باسىم ءتۇستى. ءۇشىنشى ويىندا سىرت الاڭدا بەلارۋستى 5:1 ەسەبىمەن ءسۇرىندىردى.

بۇگىن اتالعان توپتا بەلارۋس قۇراماسى ءوز الاڭىندا يزرايلدى 14:0 ەسەبىمەن تىزە بۇكتىردى. ەندى قازاقستاندىق فۋتزالشىلار 9- جانە 11- ءساۋىر كۇندەرى يزرايل قۇراماسىمەن ەكى كەزدەسۋ وتكىزەدى. كوروناۆيرۋس ينفەكتسياسىنىڭ الدىن الۋ شارالارىنا وراي ەكى ويىن دا ەلوردادا وتەدى.

ايتا كەتەلىك، قازاقستاندىق فۋتزالشىلار بۇدان بۇرىن ەۋروپا چەمپيوناتى فينالدىق كەزەڭىندە ەكى مارتە باق سىنادى. 2016، 2018-جىلداردا قولا جۇلدە الدى.

ەۋروپا چەمپيوناتىنىڭ فينالدىق ساتىسى 2022-جىلدىڭ 19- قاڭتار جانە 6- اقپان ارالىعىندا نيدەرلاندىنىڭ امستەردام جانە گرونينگەن قالالارىندا وتكىزىلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات