تۇركىستان وبلىسىندا ۆولەيبولدان ايەلدەر كومانداسى قۇرىلادى

None
None
تۇركىستان. قازاقپارات - تۇركىستان وبلىسىندا العاش رەت ۆولەيبولدان ايەلدەر كومانداسى جاساقتالادى.

بۇل تۋرالى تۇركىستان قالاسىنداعى «بالۋان شولاق» سپورت كەشەنىندە وبلىس اكىمىنىڭ ورىنباسارى مەيىرجان مىرزاليەۆ پەن ۆولەيبول فەدەراتسياسى باسشىلىعىنىڭ قاتىسۋىمەن وتكەن جيىندا ءمالىم بولدى.

جيىندا تۇركىستان وبلىسىنىڭ اۋداندارى، شىمكەنت پەن الماتى قالالارى جانە الماتى وبلىسىنان كەلگەن الەۋەتتى سپورتشى قىزدارىمەن كەزدەسىپ، ىرىكتەۋ وتكىزىلدى.

اتالمىش ىرىكتەۋ ءساۋىر ايىنىڭ سوڭىنا دەيىن جالعاسپاق، دەپ حابارلايدى قازاقپارات تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

«مامىر ايىندا ءبىز وتە مىقتى سپورتشى قىزداردىڭ ۆولەيبول كومانداسىن قۇراي الاتىنىمىزعا سەنىمدىمىن. الداعى ۋاقىتتا ءبىز جاس سپورتشىلارىمىزدىڭ رەسپۋبليكالىق جانە حالىقارالىق بىرىنشىلىكتەرگە قاتىسىپ، بيىك بەلەستەردى باعىندىرۋىنا بارىنشا قولداۋ كورسەتەتىن بولامىز»، - دەدى فەدەراتسيا پرەزيدەنتى م. مىرزاليەۆ.

جيىنعا قاتىسۋشىلار بارلىق جاستاردى سالاۋاتتى ءومىر سالتىن ناسيحاتتاي وتىرىپ، ەلىمىزدە ۆولەيبول سپورتىن، ونىڭ ىشىندە ايەلدەر سپورتى دەڭگەيىن جوعارىلاتۋعا جانە دامىتۋعا ءوز ۇلەستەرىن قوسۋعا شاقىردى.

سوڭعى جاڭالىقتار