يسپانيالىق تەلەارنا قازاقستاندىق بوكسشىنى «جىل نوكاۋتى» اتاعىنا ۇسىندى

نۇر-سۇلتان. قازاقپارات - Eurosport تەلەارناسىنىڭ يسپانيالىق نۇسقاسى قازاقستاندىق بوكسشى تۇرسىنباي قۇلاحمەتتىڭ (3-0، 2 ك و) نوكاۋتپەن جەڭىسىنە تامساندى، دەپ حابارلايدى Vesti.kz.

دۋبايدا وتكەن بوكس كەشىندە قۇلاحمەت ۆەنەسۋەلالىق ەبەر روندوندى (20-1، 13 ك و) نوكاۋتقا ءتۇسىردى.

قازاقستاندىق بوكسشى قارسىلاسىن ءبىرىنشى نوكداۋنعا ءتۇسىرىپ، كەيىن ءبىر سوققىمەن سۇلاتتى.

«جىل نوكاۋتىنا ۇمىتكەر. قازاقستاندىق بوكسشى تۇرسىنباي قۇلاحمەت جىلدىڭ ەڭ مىقتى نوكاۋتىنا ۇمىتكەرلەردىڭ ءبىرى. قۇلاحمەت ءبىر راۋندتا ەبەر روندوندى ادەمى جەڭىپ، ءبىرىنشى ورتا سالماقتا WBC International تيتۋلىن قورعاپ قالدى»، - دەلىنگەن Eurosport.es ايدارىندا.