قىتايدا درون شوۋىندا الەمدىك رەكورد جاڭاردى - ۆيدەو

نۇر-سۇلتان. قازاقپارات - Genesis كورەيالىق پرەميۋم اۆتوموبيل برەندى قىتايدا جارىق شوۋىن ۇيىمداستىرىپ، گيننەستىڭ جاڭا الەمدىك رەكوردىن ورناتتى، - دەپ حابارلايدى Кaz.tengritravel.kz پورتالى Genesis سايتىنا سىلتەمە جاساپ.

Hyundai Motor- دىڭ قوسالقى برەندى Genesis كومپانياسى قىتايعا نارىعىنا كەلۋىن اتاپ ءوتتى. كومپانيا شانحايدا ءوزىنىڭ لوگوتيپىن جاساۋ ءۇشىن 3281 درون قولداندى. شوۋ كەزىندە «اۋەدە ءبىر ۋاقىتتا ۇشقىشسىز ۇشاقتاردىڭ ەڭ كوپ سانى» بولعانى ءۇشىن گيننەستىڭ الەمدىك رەكوردى ورناتىلدى.

«Genesis-تىڭ نەگىزىندە وزگەشە ارەكەت ەتۋدى كوزدەيتىن باتىل رۋح جاتىر. قىتايعا العاشقى ساپارىمىز ءبىزدىڭ اۋديتوريامىزبەن سويلەسۋگە ەرەكشە مۇمكىندىك بولدى. درونداردىڭ وسى رەكوردتىق سيپاتتامالارىنىڭ ارقاسىندا ءبىز كوپتەگەن قىتايلىق تۇتىنۋشى ءۇشىن برەندتىڭ تاريحى مەن فيلوسوفياسىن تۇسىندىردىك»، - دەدى Genesis Motor China كومپانياسىنىڭ باس ديرەكتورى ماركۋس حەننە.