قىتاي مەن قازاقستان اراسىندا جاڭا جۇك تەمىرجول باعىتى ىسكە قوسىلدى

نۇر- سۇلتان. قازاقپارات - بيىلعى جىلعى 1 - ساۋىردە نۇر- سۇلتان قالاسىنا ناننين قالاسىنىڭ گۋاڭشي- جۋاڭزۋ اۆتونوميالىق اۋدانىنىڭ اكىمشىلىك ورتالىعىنان پيلوتتىق كونتەينەرلىك پويىز كەلدى.

جاڭا قىزمەت «ءبىر بەلدەۋ - ءبىر جول» قازاقستاندىق - قىتايلىق باستامانى ىسكە اسىرۋ شەڭبەرىندە ۇيىمداستىرىلدى، دەپ حابارلايدى قازاقپارات «قازاقستان تەمىر جولى» ۇلتتىق كومپانياسىنىڭ باسپا ءسوز قىزمەتىنە سىلتەمە جاساپ.

كونتەينەرلىك پويىز 17-ناۋرىزدا ناننين حالىقارالىق تەمىرجول پورتىنان جولعا شىعىپ، 5 مىڭ شاقىرىمنان استام جولدى ءجۇرىپ ءوتىپ، اۋىر قۇرىلىس تەحنيكا ارتىلعان 49 قىرىق فۋتتىق كونتەينەردى جەتكىزدى.

«KTZ Express» ا ق قىتايداعى وكىلدىگىنىڭ باسشىسى نۇرسۇلۋ جولباسقانوۆانىڭ ايتۋىنشا، جاڭا لوگيستيكالىق ارنا جۇكتى جەتكىزۋ ۋاقىتىن 3 ەسە ۇنەمدەۋگە مۇمكىندىك بەردى. بۇرىن قۇرىلىس تەحنيكاسى اۆتوموبيل كولىگىمەن تاسىمالداناتىن. جەتكىزۋ ۋاقىتى 45 كۇننەن اساتىن.