بيىل ۇلتتىق ءبىرىڭعاي تەستىلەۋگە قانشا قاراجات جۇمسالادى
بۇل تۋرالى ق ر ب ع م ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ ءمالىم ەتتى، دەپ حابارلايدى قازاقپارات ءتىلشىسى.
«جىل سايىن ۇلتتىق ءبىرىڭعاي تەستىلەۋدى وتكىزۋدە ەلەۋلى سومادا ۇنەمدەۋ بولىپ جاتىر. ەگەر وتكەن جىلداردا ۇبت- نى قاعاز فورماتتا وتكىزۋگە 1 ميلليارد تەڭگەگە تارتا قاراجات جۇمسالسا، ال بيىل 600 ميلليون تەڭگەدەن استام ۇنەمدەمەكپىز. جالپى، بارشا شىعىن سوماسىن 400 ميلليون تەڭگەمەن جابامىز. الداعى جىلدا بۇل سوما تومەندەتەلەدى. ويتكەنى بيىل ەلەكتروندى فورماتقا اۋىسۋ ءۇشىن ءتيىستى شىعىندار بولدى. ەندى كەلەسى جىلى قۇرىلعان جۇيەگە قولداۋ جاساۋ مەن كوممۋنيكاتسيا تولەمدەرى عانا قامتىلادى. سوندىقتان 2022 -جىلى شىعىندار ازايادى»، - دەدى د. سماعۇلوۆ ورتالىق كوممۋنيكاتسيالار قىزمەتىندە.
تاراتىلعان مالىمەتكە قاراعاندا، مەملەكەتتىك ءبىلىم گرانتىن تاعايىنداۋ كونكۋرسىنا قاتىسۋ ءۇشىن ۇ ب ت 15 -ساۋىردە باستالىپ، 30 -ماۋسىمعا دەيىن جالعاسادى. تەستىلەۋ العاش رەت ەلەكتروندىق فورماتتا وتەدى. بۇدان بۇرىن حابارلانعانداي، بيىل ۇلتتىق ءبىرىڭعاي تەستىلەۋ ەلەكتروندىق فورماتتا وتەدى. ۇلتتىق ءبىرىڭعاي تەستىلەۋدى ەكى مارتە تاپسىرۋعا بولادى. تاراتىلعان مالىمەتكە قاراعاندا، تەستىلەۋگە 4 ساعات (240 مينۋت) بەرىلەدى. ۇ ب ت ناتيجەسى بويىنشا تالاپكەرلەر ەڭ جوعارى 140 بالل جيناي الادى. تەستىلەۋ ناتيجەلەرى ۇ ب ت اياقتالعاننان كەيىن بىردەن قولجەتىمدى بولادى. ءاربىر تالاپكەر جەكە كومپيۋتەردە وتىرىپ، ۇ ب ت تاپسىرمالارىن ورىندايدى.
اۆتور: رۋسلان عابباسوۆ