اتا-انالارعا ۇ ب ت وتكىزۋ پۋنكتىنىڭ اۋماعىندا بولۋعا تىيىم سالىنادى

نۇر-سۇلتان. قازاقپارات - ۇ ب ت بارىسىندا بارلىق سانيتارلىق- ەپيدەميولوگيالىق تالاپ ساقتالادى.

بۇل تۋرالى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ ايتتى، دەپ حابارلايدى قازاقپارات ءتىلشىسى.

«عيماراتقا كىرگىزۋ ماسكالىق رەجيمدى ساقتاي وتىرىپ، كەمىندە 2 مەتر اراقاشىقتىق ارقىلى ىسكە اسىرىلادى. ءاربىر تالاپكەر ديزينفەكسيادان وتەدى جانە ءارقايسىسىنىڭ ورگايەكپەن قورشاعالعان ءوزىنىڭ ورنى بولادى»، - دەدى ءا. تويبايەۆ ورتالىق كوممۋنيكاتسيالار قىزمەتىندە.

ءاربىر تالاپكەر جەكە كومپيۋتەردە وتىرىپ، ۇ ب ت تاپسىرمالارىن ورىندايدى. ءبىلىم مينيسترلىگىنىڭ مالىمەتىنشە، تەستىلەۋدىڭ بارلىق قاتىسۋشىسى ۇ ب ت باستالار الدىندا سانيتارلىق- ەپيدەميولوگيالىق نورمالارعا سايكەس دەزينفەكتسيادان وتەدى. تەستىلەۋگە كىرگىزۋ كەزىندە قاتىسۋشىلاردىڭ اياق كيىمدەرى مەن قولدارى ارنايى قۇرالدارىمەن وڭدەلەدى. بەت ماسكاسىنىڭ دۇرىس تاعىلۋىن قاداعالاۋ مەن تەمپەراتۋرانى ولشەۋ ارنايى Face ID پلانشەتىنىڭ كومەگىمەن جۇزەگە اسىرىلادى.

تەستىلەنۋشىلەردى كىرگىزۋ جانە اۋديتوريادا وتىرعىزۋ كەزىندە الەۋمەتتىك قاشىقتىق ساقتالادى. اۋديتوريالار جەلدەتىلىپ، دەزينفەكسيالىق قۇرالدارمەن وڭدەلەدى. سانيتارلىق نورمالارعا سايكەس اتا- انالار مەن مۇعالىمدەرگە ۇ ب ت وتكىزۋ پۋنكتىنىڭ اۋماعىندا بولۋعا تىيىم سالىنادى. ولار ءۇشىن اۋديتوريادان بەينەترانسلياتسيا قامتاماسىز ەتىلەدى.

بۇدان بۇرىن حابارلانعانداي، بيىل ۇلتتىق ءبىرىڭعاي تەستىلەۋ ەلەكتروندى فورماتتا وتەدى. ۇلتتىق ءبىرىڭعاي تەستىلەۋدى ەكى مارتە تاپسىرۋعا بولادى. تاراتىلعان مالىمەتكە قاراعاندا، تەستىلەۋگە 4 ساعات (240 مينۋت) بەرىلەدى. ۇ ب ت ناتيجەسى بويىنشا تالاپكەرلەر ەڭ جوعارى 140 بالل جيناي الادى. تەستىلەۋ ناتيجەلەرى ۇ ب ت اياقتالعاننان كەيىن بىردەن قولجەتىمدى بولادى.